ପୋଲିସ ଅଫିସରଙ୍କ ବିରୋଧରେ ପତ୍ନୀଙ୍କ ସଙ୍ଗୀନ ଅଭିଯୋଗ, ସ୍ୱାମୀ ଅନ୍ୟ ପ୍ରେମରେ ପଡ଼ି ଉବୁଟୁବୁ ….

ଭୁବନେଶ୍ୱର (ବାଘୁଆବାର୍ତ୍ତା): ପରକୀୟା ପ୍ରୀତିରେ ଉବୁଟୁବୁ ପୋଲିସ ବାବୁ । ସ୍ତ୍ରୀ ଓ ପୁଅ ଥାଇ ନିଜ ବିଭାଗର ସୁନ୍ଦରୀ କର୍ମଚାରୀଙ୍କ ପ୍ରେମରେ ଭାସୁଛନ୍ତି ମହାଶୟ । ବାହାଘରକୁ ୧୭ ବର୍ଷ ହେଲାଣି । ବାବୁଙ୍କୁ ପ୍ରେମ ନିଶା ଏବେ ଏମିତି ଯେ, ସ୍ତ୍ରୀଙ୍କଠୁ ଅଲଗା ହେବାକୁ କୋର୍ଟକୁ ଯାଇଛନ୍ତି । ଏପଟେ ପତ୍ନୀ ସ୍ୱାମୀଙ୍କ ପରକୀୟା ପ୍ରୀତି ସାଙ୍ଗକୁ ଅବୈଧ ସଂପର୍କୟ ନେଇ ଆଣିଛନ୍ତି ସଙ୍ଗୀନ ଅଭିଯୋଗ । ଖୋଲିଛନ୍ତି ମୁଖା । ଆଉ ଏଇ ଘଟଣା ଏବେ କେବଳ ପୋଲିସ ବାବୁଙ୍କ କର୍ମକ୍ଷେତ୍ର ନୁହେଁ ଡିପାର୍ଟମେଣ୍ଟରେ ବି ଚର୍ଚ୍ଚାର ବିଷୟ । ପୋଲିସ ବାବୁ ଜଣଙ୍କ ତଳିଆ କର୍ମଚାରୀ ନୁହନ୍ତି ପଦସ୍ଥ ଅଫିସରା ଅଭିଯୋଗ ଅନୁଯାୟୀ, ସେ ହେଲେ ଅନୁଗୋଳରେ ଅବସ୍ଥାପିତ ଏସଡିପିଓ ଅଶ୍ୱିନ କୁମାର ସାହୁ । ବାବୁ ୨୦୦୪ ମସିହାରେ ବିବାହ କରିଥିଲେ ତାଙ୍କର ପୁଅଟିଏ ଅଛି । କିନ୍ତୁ ବାବୁ କୁଆଡେ ସ୍ତ୍ରୀ-ପୁଅକୁ ଛାଡି ଜଣେ ଏସଆଇ ମ୍ୟାଡାମଙ୍କ ପ୍ରେମରେ ପହଁରୁଛନ୍ତି । ଏସଡିପିଓଙ୍କ ପତ୍ନୀ କରିଥିବା ଅଭିଯୋଗ ଯୋଗୁ ଏହା ଜଣା ପଡ଼ିଛି । ଅଶ୍ୱିନ କୁମାରଙ୍କ ଏହି ପରକୀୟା ପ୍ରୀତି ୨୦୧୧ ର । ଯାଜପୁର ରୋଡ ଥାନାରେ ଅବସ୍ଥାପିତ ହେବା ବେଳେ ସଂପୃକ୍ତ ଏସଆଇ ମ୍ୟାଡାମଙ୍କ ପ୍ରେମରେ ପଡିଥିଲେ ଅଶ୍ୱିନ କୁମାର ସାହୁ । ଏପରିକି ଏଥିପାଇଁ ସେ ପତ୍ନୀଙ୍କୁ ମାନସିକ ଓ ଶାରୀରିକ ନିର୍ଯ୍ୟାତନା ଦେଉଥିବା ଅଭିଯୋଗ କରିଛନ୍ତି ଅଶ୍ୱିନୀଙ୍କ ସ୍ତ୍ରୀ । ମହିଳା ଏସଆଇଙ୍କ ସହ ସ୍ୱାମୀଙ୍କ ସଂପର୍କ ଜାଣିବା ପରେ ଅଶ୍ୱିନୀ ଙ୍କ ସ୍ତ୍ରୀ ଏହାକୁ ବିରୋଧ କରିଥିଲେ । ସେଥିପାଇଁ ତାଙ୍କୁ ବହୁତ ଦିନ ହେବ ବିଭିନ୍ନ ପ୍ରକାର ମାନସିକ ଓ ଶାରୀତିକ ନିର୍ଯ୍ୟାତନା ଦେଇ ଆସୁଥିଲେ ଅଶ୍ୱିନୀ । ହେଲେ ଏସବୁ ସହି ଚୁପ ଚାପ ରହୁଥିଲେ ଅଶ୍ୱିନୀଙ୍କ ସ୍ତ୍ରୀ । ହେଲେ ସ୍ତ୍ରୀଙ୍କୁ ନଜଣାଇ କୋର୍ଟରେ ଛାଡପତ୍ର ପାଇଁ ଆବେଦନ କରିଥିଳେ ଅଶ୍ୱିନୀ । ଏହାକୁ ବିରୋଧ କରି ଅଶ୍ୱିନଙ୍କ ପତ୍ନୀ ମହିଳା କମିଶନଙ୍କ ପାଖରୁ ଆରମ୍ଭ କରି ଡିଜିପି ଙ୍କ ଦ୍ୱାରସ୍ଥ ହୋଇଛନ୍ତି । କିନ୍ତୁ କେହି ଶୁଣୁନାହାନ୍ତି ବୋଲି ସେ ଅଭିଯୋଗ କରିଛନ୍ତି । ତେବେ ଏହି ଘଟଣାରେ ଅଶ୍ୱିନ କୁମାର ସାହୁଙ୍କ ପ୍ରତିକ୍ରିୟା ଜଣା ପଡିନାହିଁ । ନ୍ୟାୟ ଅପେକ୍ଷାରେ ଏବେ ପୋଲିସ ବାବୁଙ୍କ ବିବାହିତା ପତ୍ନୀ ।