ମହିଳାଙ୍କୁ ଫୋନ୍ କରି ପ୍ରେମ ନିବେଦନ ଓ ଅଶ୍ଳିଳ ଗାଳି ଗୁଲଜ କରିବା ପଡ଼ିଲା ମହଙ୍ଗା

ସୋର, (ବାଘୁଆବାର୍ତ୍ତା): ମହଙ୍ଗା ପଡ଼ିଲା ପ୍ରେମ ନିବେଦନ। ଥାନା ପରିସରରେ ବସିଲା ପ୍ରଜା କୋର୍ଟ। ମହିଳାଙ୍କୁ ଫୋନ୍ କରି ପ୍ରେମ ନିବେଦନ ଓ ଅଶ୍ଳିଳ ଗାଳି ଗୁଲଜ କରିବା ଘଟଣାର ସମାଧାନ ବେଳେ ଜଣେ ବୃଦ୍ଧ ଓ ଜଣେ ଯୁବକଙ୍କୁ ନିସ୍ତୁକ ଛେଚିଲେ ୨ ମହିଳା। ବାଲେଶ୍ଵର ଜିଲ୍ଲା ସୋର ଥାନା ପରିସରରେ ଏଭଳି ଘଟଣା ଦେଖିବାକୁ ମିଳିଛି। ସୂଚନାନୁଯାୟୀ, ବାଲେଶ୍ଵର ଜିଲ୍ଲା ସୋର ଥାନା ଅନ୍ତର୍ଗତ କେଦାରପୁର ଅଞ୍ଚଳର ୨ ଜଣ ମହିଳାଙ୍କୁ କୋଦଣ୍ଡପୁର ଅଞ୍ଚଳର ଜଣେ ଯୁବକ ବାରମ୍ବାର ଫୋନ କରି ପ୍ରେମ ନିବେଦନ କରିବା ସହ ଗାଳି ଗୁଲଜ କରୁଥିଲେ। ଏନେଇ ୨ ମହିଳା ତାନାରେ ଲିଖିତ ଅଭିଯୋଗ କରିଥିଲେ। ଗତ ରାତିରେ ସୋର ଥାନା ପରିସର ଥିବା ମଣି ମନ୍ଦିରରେ ସମାଧାନ ପାଇଁ ପ୍ରଜାକୋର୍ଟ ବସିଥିଲା। ଏତିକି ବେଳେ ଫୋନ୍ କରି ହଇରାଣ କରୁଥିବା ଯୁବକ ଓ ବୃଦ୍ଧଙ୍କୁ ୨ ମହିଳା ନିସ୍ତୁକ ମାଡ଼ ମାରିଥିଲେ। ତେବେ ବୃଦ୍ଧ ଜଣକ ମହିଳାଙ୍କ ଗୋଡ ଧରି ଭୁଲ ମାଗିଥିଲେ। ତେବେ ଥାନା ପରିସରରେ ଏଭଳି ଘଟଣା ଘଟିଥିବାରୁ ପୋଲିସର ଆଇନ ଶୃଙ୍ଖଳା ଦାୟିତ୍ଵକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।