ମୁନିଗୁଡ଼ା, (ବାଘୁଆବାର୍ତ୍ତା): ମହଙ୍ଗା ପଡିଲା ପ୍ରେମ ପ୍ରତାରଣା। ପ୍ରେମିକଙ୍କୁ ମାଡ଼ ମାରି ଥାନାରେ ହାଜର କଲେ ପ୍ରେମିକା। ପ୍ରେମ ବିବାହ କରି ସ୍ତ୍ରୀକୁ ଧୋକା ଦେଇ ଯୁବକ ହଟହଟା। ସ୍ତ୍ରୀକୁ ଆନ୍ଧ୍ରପ୍ରଦେଶରେ ଛାଡି ଚାଲି ଆସିବାରୁ ଖୋଜିଖୋଜି ଆସି ବିଷମକଟକରେ ସ୍ୱାମୀକୁ ଠାବ କରି ପିଟିପିଟି ଥାନାରେ ହାଜର କରିଛନ୍ତି ମହିଳା। ଏଭଳି ଘଟଣା ଘଟିଛି ବିଷମକଟକ ଥାନା କାଙ୍କୁବାଡ଼ି ଗ୍ରାମରେ। ବିଷମକଟକ ଥାନା କାଙ୍କୁବାଡ଼ି ଗ୍ରାମର ସୁମନ କୁସୁଳିଆ ନାମକ ଜଣେ ଯୁବକ ଆନ୍ଧ୍ର ପ୍ରଦେଶର ଭିମାବରମ ଠାରେ ଏକ ଚିଙ୍ଗୁଡ଼ି ଫାର୍ମରେ କାମ କରୁଥିଲେ। ଏତିକି ବେଳେ ପାଡେରୁ ଗ୍ରାମର ବେଳସୁରୁ କୁମାରୀଙ୍କ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । କ୍ରମେ ସମ୍ପର୍କ ନିବିଡ଼ ହେବାରୁ ଦୁହେଁ ଏକ ମନ୍ଦିରରେ ବିବାହ କରିଥିଲେ । ତେବେ ସୁମନ ଓ ବେଳସୁରୁ ତିନି ମାସ ଏକାଠି ରହିବା ପରେ ସୁମନ ସେଠାରେ କୁମାରୀକୁ ଛାଡି ଗାଁକୁ ଚାଲି ଆସିଥିଲେ । କୁମାରୀଙ୍କ ସହ କୌଣସି ଯୋଗାଯୋଗ ରଖି ନଥିଲେ। ସେହିଦିନ ଠାରୁ କୁମାରୀ ସୁମାନଙ୍କୁ ଖୋଜି ବୁଲୁଥିଲେ । ତେବେ ସୁମନ ବିଷମ କଟକରେ ଅଟୋ ଚଳାଉଥିବା ଜାଣି ପାରି ଏଠାରେ ପହଞ୍ଚିଥିଲେ ଓ ସୁମନକୁ ଧରି ନିର୍ଦ୍ଧୁମ ପିଟିପିଟି ଥାନାରେ ହାଜର କରିଛନ୍ତି ।
