ଭୁବନେଶ୍ୱର, (ବାଘୁଆବାର୍ତ୍ତା): ମାଟ୍ରିମୋନି(ବିବାହ ମଧ୍ୟସ୍ଥତା) ଆପ୍ରେ ଦେଖା ହେଲା । କଥାବାର୍ତ୍ତାରୁ ବନ୍ଧୁତା । ପରେ ପ୍ରେମ ହେଲା । ଯୁବତୀଙ୍କୁ ଦେଖା କରିବାକୁ ପ୍ରେମିକ ପାରାଦୀପରୁ ରାଜଧାନୀକୁ ମାଡି଼ ଆସିଲା । ଉଭୟେ ‘ଓୟୋ’ରେ ଗୋଟିଏ ରୁମ୍ରେ ରହିଲେ । ସେଠାରେ ଯୁବତୀଙ୍କ ଅସଲି ରୂପ ପଦାକୁ ଆସିଲା । ଅସଦାଚରଣ ଅଭିଯୋଗରେ ଯୁବତୀ ଓ ତାଙ୍କ ପୁରୁଷ ବନ୍ଧୁ ଡିମାଣ୍ଡ କଲେ, ଲକ୍ଷେ ଟଙ୍କା ଦେ ନହେଲେ ଥାନାରେ ଏତାଲା ଦେବି । ପୁଲିସ ବାନ୍ଧିବଟ୍ଟଏମିତି ଘଟଣା ନୂଆପଲ୍ଲୀ ଇନ୍ଦ୍ରଧନୁ (ଆଇଡି) ମାର୍କେଟରେ ଦେଖିବାକୁ ମିଳିଛି । ସପ୍ତାହେ ତଳେ ‘ସାଦି ଡଟ୍ କମ୍’ ଅନ୍ଲାଇନ୍ ଆପ୍ରେ ଉଭୟଙ୍କ ଭେଟ ହୋଇଥିଲା । ପୁଅଟି ବେଙ୍ଗାଲୁରୁସ୍ଥିତ ଏକ ସଫ୍ଟୱେର କମ୍ପାନୀରେ ଚାକିରି କରୁଥିଲେ । କିନ୍ତୁ ଝିଅଟି ଭୁବନେଶ୍ୱରର ଫ୍ୟାସନ୍ ଡିଜାଇନିଂ କୋର୍ସ ପରେ ଘରେ ବସିଥିଲେ । ମାଟ୍ରିମୋନି ଆପ୍ରେ ପୁଅ-ଝିଅଙ୍କ ପ୍ରୋଫାଇଲ୍ ମିଶିବା ପରେ ଉଭୟେ ଫୋନ୍ରେ ବେଶ୍ କିଛି ଘଣ୍ଟା ଗପିଥିଲେ । ଉଭୟେ ଆଇଡି ମାର୍କେଟରେ ଥିବା ମା’ ମଙ୍ଗଳା ହୋଟେଲରେ ଭେଟିବାକୁ ଯୋଜନା କରିଥିଲେ । ରୁମ୍ ନମ୍ବର ୧୦୫ରେ ଉଭୟଙ୍କ ଭେଟଘାଟ ହେଲା । କିନ୍ତୁ କିଛି ସମୟ ପରେ ଯୁବତୀଜଣକ ରୁମ୍ରୁ ବାହାରି ଚିଲ୍ଲାଇବାକୁ ଲାଗିଲେ । ଫୋନ୍ କରି ଜଣେ ପୁରୁଷବନ୍ଧୁଙ୍କୁ ଡକାଇଲେ । ଆଖପାଖରୁ କିଛି ଲୋକ ଛିଡ଼ା ହୋଇ ତମାସା ଦେଖିଲେ । ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ, ଯୁବତୀଜଣକ ରୁମ୍ରେ ଅସଦାଚରଣ ଅଭିଯୋଗ ଆଣି ଯୁବକଙ୍କୁ ଏକ ଲକ୍ଷ ଟଙ୍କା ଦେବାକୁ କହିଥିଲେ । ପରେ ଯୁବକଙ୍କ ଗାଡି଼ ଚାବି ଛଡ଼ାଇ ନେଇଥିଲେ । ଯୁବକଙ୍କୁ ହୋଟେଲ ରିସେପସନ ଚେୟାରରେ ଜବରଦସ୍ତି ବସାଇ ଥାନାକୁ ଘୋଷାଡି ନେବାକୁ ଧମକ ବି ଦେଲେ । ନିରୁପାୟ ଯୁବକ ଜଣକ ଶେଷରେ ଦୌଡି ଯାଇ ନୂଆପଲ୍ଲୀ ଥାନାରେ ପହଞ୍ଚିଥିଲେ । ପଛେ ପଛେ ଯୁବତୀ, ତାଙ୍କ ଭଉଣୀ ଓ ପୁରୁଷବନ୍ଧୁ ମଧ୍ୟ ଥାନାକୁ ଯାଇଥିଲେ । ପୁଲିସ କହିଛି, ଓୟୋରେ ଏମିତି ଘଟଣା ଘଟିଛି ସତ । କିନ୍ତୁ ପରେ ଯୁବତୀ କି ଯୁବକ କେହି ଲିଖିତ ଅଭିଯୋଗ କଲେନି । ଉଭୟଙ୍କ ମଧ୍ୟରେ ଆପୋଷ ବୁଝାମଣା ହୋଇଯାଇଥିଲା ।
ଲକ୍ଷେ ଟଙ୍କା ଦେ ନହେଲେ ଥାନାରେ ଏତାଲା ଦେବି, ନିରୁପାୟ ଯୁବକ ଜଣକ ଶେଷରେ ଦୌଡି ଯାଇ ଥାନାରେ ପହଞ୍ଚିଥିଲେ
