ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜଗନ୍ନାଥ ମନ୍ଦିରରୁ ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି । ମନ୍ଦିର ପରିଚାଳକ ଟାଉନ ଥାନାରେ ଅଭିଯୋଗ କରିଛନ୍ତି । ଟାଉନ ଥାନା ପକ୍ଷରୁ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି । ସୁଚନାନୁସାରେ ଜଗନ୍ନାଥ ମନ୍ଦିରର ୫-ଟି କାର୍ଯ୍ୟ ଜାରି ରହିଛି । ସୁଆର ସେବକ ସୁକାନ୍ତ କୁମାର ମିଶ୍ର ରାତ୍ର ୪.୪୫ ମିନିଟରେ ଆସି ୱାଚରକୁ ଡାକିଥିଲେ । ସେ ମନ୍ଦିରର ଦକ୍ଷୀଣ ପାଶ୍ୱର୍ ଖୋଲା ଥିବା ଦେଖି ସନ୍ଦେହ ଉପୁଜିଥିଲା ।
ସେ ତୁରନ୍ତ ମନ୍ଦିର ସୁପର ଭାଇଜର ଓ ପରିଚାଳକଙ୍କୁ ଖବର ଦେଇଥିଲେ । ଏହା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଥିଲା । ଦାନ ବକ୍ସରୁ ସମସ୍ତ ଟଙ୍କା ଲୁଟ କରି ନେଇଥିବା ଜଣା ପଡିଛି । ଏଥି ସହ ୫ଟି ରୁପା କିରଟ, ୫ ଗୋଟି ଚିତା, ନାକ ଚଣା ଏଭଳି ସମସ୍ତ ଜିନିଷ ଦୁର୍ବୁତ ମାନେ ଲୁଟ କରି ନେଇଛନ୍ତି । ମୋଟ ୧୩୦୦ ଗ୍ରାମର ଅଳଙ୍କାର ଲୁଟ ହୋଇଥିବା ଜଣା ପଡିଛି । ମନ୍ଦିର ପରିଚାଳକ ଥାନାରେ ଏଫାୟାର ଦେବା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।
