ଭୁବନେଶ୍ୱର, (ବାଘୁଆବାର୍ତ୍ତା): ବୋରିଗୁମ୍ମା ଥାନା ଅଞ୍ଚଳରେ ବଡ଼ ଧରଣର ଲୁଟ୍ । ପୋଲିସକୁ ଖୋଲା ଚ୍ୟାଲେଞ୍ଜ ଦେଲେ ଦୁର୍ବୃତ୍ତ । ଗୋଟିଏ ଦିନରେ ୩ ଟି ଘରୁ କରିଲେ ଚୋରି । ପ୍ରାୟ ୨ କୋଟି ଟଙ୍କାର ସୁନା ଅଳଙ୍କାର ସହ ନଗଦ ଟଙ୍କା ଲୁଟି ନେଲେ ଦୁର୍ବୃତ୍ତ । କୋରାପୁଟ ଜିଲ୍ଲା ବୋରିଗୁମ୍ମା ଥାନା ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି । ସୂଚନା ମୁତାବକ, ବୋରିଗୁମ୍ମା ଥାନା ଅଞ୍ଚଳରେ ବିଗତ ଦିନରେ ଅନେକ ଲୁଟ୍ ଘଟଣା ସାମ୍ନାକୁ ଆସିଛି । ହେଲେ ଏଥର ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି ଦୁର୍ବୃତ୍ତ । ବୋରିଗୁମ୍ମା ଅଞ୍ଚଳର ୩ଟି ଘରୁ ପ୍ରାୟ ୨ କୋଟି ଟଙ୍କାର ସୁନା ଅଳଙ୍କାର ସହ ନଗଦ ଟଙ୍କା ଲୁଟ୍ କରି ନେଇଛନ୍ତି ଦୁର୍ବୃତ୍ତ । ଏନେଇ ଥାନାରେ ଅଭିଯୋଗ ହେବା ପରେ ବୋରିଗୁମ୍ମା ପୋଲିସ ଉକ୍ତ ୩ ଟି ସ୍ଥାନରେ ପହଞ୍ଚି ଘଟଣାର ତଦନ୍ତ ଚଳାଇଛି । ତଦନ୍ତ ପରେ ଚୋରଙ୍କୁ ଧରିବାରେ ପୋଲିସ ପଫଳ ହେବ ବୋଲି ଆଶା କରାଯାଉଛି ।
