ଭୁବନେଶ୍ୱର,(ବାଘୁଆବାର୍ତ୍ତା): ରାଜ୍ୟ କ୍ୟାବିନେଟରେ ବସିଥିବା ଗୁରୁତ୍ୱପୂର୍ଣ୍ଣ ବୈଠକ ଶେଷ ହୋଇଛି । ଉକ୍ତ ବୈଠକରେ ପାରିତ ହୋଇଥିବା ୧୬ଟି ପ୍ରସ୍ତାବ ଉପରେ ରାଜ୍ୟ କ୍ୟାବିନେଟର ମୋହର ବାଜିଛି । ସାମାଜିକ ସୁରକ୍ଷା, ଶକ୍ତି, କୃଷି, ଅବକାରୀ, ପଞ୍ଚାୟତିରାଜ ଓ ପାନୀୟ ଜଳ, ସାଧାରଣ ପ୍ରଶାସନ, ରାଜସ୍ୱ ଓ ବିପର୍ଯ୍ୟୟ ପରିଚାଳନା ଏବଂ ଇସ୍ପାତ ଓ ଖଣି ବିଭାଗର ପ୍ରସ୍ତାବରେ ରାଜ୍ୟ କ୍ୟାବିନେଟର ଅନୁମୋଦନ କରିଛି । ଏଥିରେ ମିଶନ ଶକ୍ତି ନାମରେ ଥିବା ନୂଆ ବିଭାଗକୁ ମଧ୍ୟ କ୍ୟାବିନେଟ ମୋହର ବାଜିଛି । ତତସହିତ ୧୦ଟି ଗ୍ରାମୀଣ ପାନୀୟ ଜଳ ଯୋଗାଣ କାର୍ଯ୍ୟକୁ ମଧ୍ୟ ମଞ୍ଜୁରୀ ମିଳିଛି । ସେହିପରି ବାଲେଶ୍ୱର ଜିଲ୍ଲା ରେମୁଣା ତହସିଲ ଅଧିନରେ ୨୫ଏକର ଜମିରେ ଏମ୍ସ ସାଟେଲାଇଟ ସେଣ୍ଟର ନିର୍ମାଣକୁ ନେଇ କ୍ୟାବିନେଟରେ ଅନୁମୋଦନ ହୋଇଛି ।
