ନୟାଗଡ଼,(ବାଘୁଆବାର୍ତ୍ତା) : ଓଡ଼ିଶା ଆଇନସେବା ପ୍ରାଧିକରଣଙ୍କ ନିର୍ଦ୍ଦେଶ ମତେ ଆଜି ଜିଲ୍ଲା ଜଜକୋର୍ଟ ପରିସରରେ ଜାତୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଉକ୍ତ ଅଦାଲରେ ୫୪୪ଟି ଦେୱାନୀ ଓ ଫୌଜଦାରୀ ମାମଲା ଆଗତ କରାଯାଇ ୬୪ ଟି ମାମଲାର ଫଇସଲା କରାଇଯାଇଛି । ୧୯୦ଟି ବ୍ୟାଙ୍କ ଋଣ ଅନାଦେୟ ମାମଲା ମଧ୍ୟରୁ ୫୬ ଟି ଫଇସଲା କରାଯାଇ ୭ ଲକ୍ଷ ୮୯ ହଜାର ୬୭୧ ଟଙ୍କା ଆଦାୟ କରାଯାଇଛି । ଜିଲ୍ଲା ଜଜକୋର୍ଟଙ୍କ ପକ୍ଷରୁ ୬ ଗୋଟି ଗାଡ଼ି ମୋଟର ଦୁର୍ଘଟଣାଜନିତ ମାମଲାର ଫଇସଲା କରାଯାଇ ୩୨ ଲକ୍ଷ ୫୦ ହଜାର ଏବଂ ଅତିରିକ୍ତ ଜିଲ୍ଲା ଜଜକୋର୍ଟଙ୍କ ପକ୍ଷରୁ ୧୦ ଗୋଟି ମାମଲା ଫଇସଲା କରାଯାଇ ୬ ଲକ୍ଷ ଟଙ୍କା କ୍ଷତିପୂରଣ ଦେବାର ଆଦେଶ ପ୍ରଦାନ କରାଯାଇଛି । ୧୦୮ ଗୋଟି ଦେୱାନ ମାମଲାରୁ ୩୦ ଗୋଟି ମାମଲା ୩୦ଟି ମାମଲା ଫଇସଲା କରାଯାଇଛି । ଏଥିସହିତ ୧ଟି ଚେକ ବାଉନ୍ସ ମାମଲା, ୨ଟି ମନି ରିକୋଭରୀ ମାମଲା, ୧୩ ପରିବାର ଜନିତ ମାମଲା ଫଇସଲା କରାଯାଇଛି । ଉକ୍ତ ଲୋକ ଅଦାଲତରେ ଜିଲ୍ଲାଜଜ ରୂପଶ୍ରୀ ଚୈାଧୁରୀ, ଅତିରିକ୍ତ ଜିଲ୍ଲାଜଜ ଇତିଶ୍ରୀ ମହାପାତ୍ର, ପରିବାର ଅଦାଲତ ପ୍ରଶାନ୍ତ କୁମାର ମିଶ୍ର, ରେଜିଷ୍ଟାର ଚିତ୍ତରଞ୍ଜନ ମିଶ୍ର, ସବଜଜ୍ ଅମିତାଭ ପଣ୍ଡା ଏବଂ ବହୁ ବିଭାଗୀୟ ଅଧିକାରୀ ଉପସ୍ଥିତ ଥିଲେ ।
