ଆଫଗାନିସ୍ତାନ, (ବାଘୁଆବାର୍ତ୍ତା): ତାଲିବାନର ଦଖଲ ପରେ ବଢିବାରେ ଲାଗିଛି ଟେନସନ । ଏଣିକି ଏହି ଦେଶରେ ଚାଲିବ ତାଲିବାନୀ ଶାସନ । ଆଫଗାନିସ୍ତାନକୁ ଦୀର୍ଘ ୨୦ ବର୍ଷ ପରେ ପୁଣି ଥରେ ତାଲିବାନୀ ଶାସନ ଫେରିବା ପରେ ଏବେ ସବୁଠୁ ଆତଙ୍କିତ ଅବସ୍ଥାରେ ରହିଛନ୍ତି ମହିଳା । କାରଣ ଗତ କିଛି ଦିନ ମଧ୍ୟରେ ତାଲିବାନୀ ନେତାମାନେ ତାଙ୍କର କାରନାମା ଦେଖାଇବା ଆରମ୍ଭ କରି ଦେଇଛନ୍ତି । ପ୍ରାରମ୍ଭିକ ପର୍ୟ୍ୟାୟରେ ତାଲିବାନୀ ନେତାମାନେ ଆଫଗାନିସ୍ତାନର ୧୫ ରୁ ୪୫ ବର୍ଷ ବର୍ଗର ମହିଳାଙ୍କ ତାଲିକା ମାଗିଛନ୍ତି । ଯଦି ଏହି ମହିଳାମାନଙ୍କୁ ତାଲିବାନୀ ଆତଙ୍କୀ ବିବାହ କରାଯାଏ ତେବେ ସେମାନଙ୍କୁ ପାକିସ୍ତାନର ୱଜିରସ୍ତାନ ନିଆଯାଇ ଇସ୍ଲାମୀ ତାଲିମ ଦିଆଯିବ । ପରେ ଏହି ମହିଳାମାନଙ୍କୁ ପୁଣି ଥରେ ଯୌନ ଦାସୀ କରି ରଖାଯିବ । ଯାହାକି ତାଲିବାନୀ ଆଇନର କଳା ଅଧ୍ୟାୟ ଲେଖାଯିବ । ମହିଳାଙ୍କୁ ଧରି ପଳାଉଛନ୍ତି ଲୋକେ- ମ୍ୟାକଗିଲ ୟୁନିଭରସିଟି ଟୋରଣ୍ଟୋର ବିଧି ଏବଂ ମାନବାଧିକାରର ଆସୋସିଏଟ୍ ପ୍ରଫେସର ବୃନ୍ଦା ନାରାୟଣଙ୍କ କହିବା ଅନୁଯାୟୀ, କାବୁଲ ପହଞ୍ଚିବା ପୂର୍ବରୁ ତାଲିବାନୀ ନେତାଙ୍କ ଏହି ଆଦେଶ ଆଗକୁ ମହିଳାଙ୍କ ଉପରେ ନିର୍ୟାତନା ହେବା ନେଇ ଅଙ୍ଗୁଳି ନିର୍ଦ୍ଦେଶ କରୁଛି । ଏହାଦ୍ଵାରା ଆଫଗାନିସ୍ତାନରେ ପ୍ରତ୍ୟେକ ପରିବାରରେ ଆତଙ୍କ ସୃଷ୍ଟି ହୋଇଛି । ଏହି କାରଣ ପାଇଁ ଗତ ୩ ମାସ ମଧ୍ୟରେ ପ୍ରାୟ ୯ ଲକ୍ଷ ପରିବାର ବିସ୍ଥାପିତ ହୋଇଛନ୍ତି । ଘରର ଝିଅ-ବୋହୂଙ୍କୁ ନେଇ ପରିବାର ଲୋକ ଦେଶ ଛାଡି ପଳାୟନ କରୁଛନ୍ତି । ମନେପଡୁଛି ୧୯୯୬ର ଭୟାବହ ଅତ୍ୟାଚାର- ତାଲିବାନର ଏହି ବର୍ବରତା ପରେ ଆଗାମୀ ଦିନରେ ଆଫଗାନିସ୍ତାନର ଭବିଷ୍ୟତ କଣ ହେବ ତାହା ସ୍ପଷ୍ଟ ରୂପରେ ଜଣା ପଡୁଛି । ୧୯୯୬-୨୦୦୧ ମଧ୍ୟରେ ହୋଇଥିବା ତାଲିବାନୀ ଶାସନ ପୁଣି ଥରେ ଲୋକମାନଙ୍କୁ ଜଳଜଳ କରି ଦେଖାଯାଉଛି । ସେହି ସମୟରେ ମହିଳାମାନଙ୍କ ଉପରେ ଅକଥନୀୟ ଅତ୍ୟାଚାର କରାଯାଉଥିଲା । ମହିଳାମାନଙ୍କୁ ଶିକ୍ଷା, ଓ ଅନ୍ୟାନ୍ୟ ସୁବିଧା ସୁଯୋଗ ଠାରୁ ଦୂରରେ ରଖାଯାଉଥିଲା । ବିନା ପୁରୁଷ ସାଥୀରେ ବାହାରକୁ ଯିବା ଉପରେ ପ୍ରତିବନ୍ଧକ ଲଗାଯାଉଥିଲା । ବୁର୍ଖା ପିନ୍ଧିବାକୁ ବାଧ୍ୟ କରାଯାଉଥିଲା।
ତାଲିବାନୀ ନେତାମାନେ ଆଫଗାନିସ୍ତାନର ୧୫ ରୁ ୪୫ ବର୍ଷ ବର୍ଗର ମହିଳାଙ୍କ ତାଲିକା ମାଗିଛନ୍ତି, ଦାସୀ କରି ରଖିବା ଆଶଙ୍କା
