ମାସ୍କ ଚେକିଂ, ଦେଶୀ ମଦ ଜବତ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଶରଣକୂଳ ଥାନା ପୁଲିସ ଆଜି ଗୋଡ଼ିପଡ଼ା ଅଂଚଳରେ ମାସ୍କ ଚେକିଂ କରୁଥିବା ଜଣାଯାଇଛି । ଏଥିସହିତ ଗୋଟିଏ ସ୍ଥାନରୁ ଦେଶୀ ମଦ ମଧ୍ୟ ଜବତ କରାଯାଇଥିବା ସୂଚନା ମିଳିଛି । ଏନେଇ ଥାନା ଅଧିକାରୀଙ୍କୁ ପଚାରିବାରେ, ମୁଁ ବାହାରେ ଅଛି ଥାନାକୁ ଗଲେ କହିବି ବୋଲି କହିଛନ୍ତି । ନିର୍ଭର ଯୋଗ୍ୟ ସୁତ୍ରରୁ ମିଳିଥିବା ସୂଚନାନୁସାରେ, ଗୋଡ଼ିପଡ଼ା ଅଂଚଳରୁ ମଦ ଜବତ କରାଯିବା ପରେ ଥାନା ଅଧିକାରୀ ଗୋଡ଼ିପଡ଼ା ଫାଣ୍ଡିରେ ଉପସ୍ଥିତ ଥିବା ଏବଂ ସମସ୍ତ ଘଟଣା ସେ ଅବଗତ ଥିବା ଜଣାଯାଇଛି । ମାତ୍ର ଥାନା ଅଧିକାରୀ ଗଣମାଧ୍ୟମକୁ ସୂଚନା ଦେବାକୁ କାହିଁକି କୁଣ୍ଠାବୋଧ କରିଛନ୍ତି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।