ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅନ୍ତର୍ଗତ ବାଉଁଶଗାଡ଼ିଆରେ ଆଜି କାଳବୈଶାଖୀ ପ୍ରଭାବରେ ବଜ୍ରପାତ ଘଟି ଜଣେ ନାବାଳିକାର ମୃତ୍ୟୁ ଘଟିଛି । ନାବାଳିକା ଜଣଙ୍କ ଖଣ୍ଡପଡ଼ା ଥାନା ଅନ୍ତର୍ଗତ ଖଳିସାହି ଗ୍ରାମର ପୂଜାରାଣୀ ସେଠୀ(୧୩) । ସେ ତାଙ୍କ ମାମୁଁ ଦିପୁନା ସେଠୀଙ୍କ ଘରେ ରହି ପାଠ ପଢ଼ୁଥିଲେ । ସେ ଆଜି ଗାଁ ଦାଣ୍ଡରେ ମାମୁଁଙ୍କ ଦୁଇ ଝିଅ ସ୍ୱପ୍ନାରାଣୀ ସେଠୀ ଏବଂ ସୁଗ୍ନାରାଣୀ ସେଠୀ ସହ ଖେଲୁଥିଲେ । ଏହି ସମୟରେ ବଜ୍ରପାତ ଘଟିବାରୁ ପୂଜା, ସ୍ୱପ୍ନାରାଣୀ ଏବଂ ସୁଗ୍ନାରାଣୀ ଗୁରୁତର ହୋଇପଡ଼ିଥିଲେ । ସେମାନଙ୍କୁ ଗ୍ରାମବାସୀ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରାଯାଇଥିଲେ । ଡାକ୍ତର ପୂଜାଙ୍କୁ ମୃତ୍ୟୁ ଘୋଷଣା କରିଥିବା ବେଳେ ଅନ୍ୟ ଦୁଇ ଜଣଙ୍କ ଚିକିତ୍ସା ଚାଲିଥିବା ଜଣାଯାଇଛି ।
