ଭୂବନେଶ୍ୱର, (ବାଘୁଆବାର୍ତ୍ତା) : ପ୍ରଖ୍ୟାତ ସିନେ ଅଭିନେୟା ବିଜୟ ମହାନ୍ତିଙ୍କର ଆଜି ଭୂବନେଶ୍ୱର ସ୍ଥିତ କେୟାର ହସ୍ପିଟାଲରେ ପରଲୋକ ଘଟିଛି । ତାଙ୍କ ଅବସ୍ଥା ଗୁରୁତର ହୋଇ ପଡ଼ିବାରୁ ତାଙ୍କୁ କେୟାର ହସ୍ପିଟାଲରେ ଭର୍ତ୍ତୀ କରାଯାଇଥିଲା । ପୂର୍ବରୁ ତାଙ୍କର ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ହାଇଦ୍ରାବାଦରେ ଚିକିତ୍ସା କରାଯାଇ ଭୂବନେଶ୍ୱର ଅଣାଯାଇଥିଲା । ୧୫୦ରୁ ଉଦ୍ଦ୍ୱର୍ ସିନେମାରେ ଅଭିନୟ କରିଥିବା ବିଜୟ ଏକାଧାରାରେ ଜଣେ ଅଭିନେତା, ନାଟ୍ୟକାର ଏବଂ ଅଧ୍ୟାପକ ଥିଲେ । ତାଙ୍କ ବିୟୋଗରେ ଏକ ଯୁବର ଅବସାନ ଘଟିଥିବା ବେଳେ ସିନେ ଜଗତରେ ଶୋକାର ଛାୟା ଖେଳି ଯାଇଛି । ୧୯୭୭ ମସିହାରେ ଦୁଇଟି ପ୍ରସିଦ୍ଧ ସିନେମା “ଚିଲିକା ତୀରେ” ଏବଂ “ନାଗଫାଶ” ଜରିଆରେ ବିଜୟ ମହାନ୍ତିଙ୍କର ଅଭିନୟ ଜୀବନ ଆରମ୍ଭ ହୋଇଥିଲା। ଉଭୟ ନାୟକ ଏବଂ ଖଳ ନାୟକ ଭୂମିକାରେ ଓଡିଶାର ଦର୍ଶକ ତାଙ୍କୁ ଭଲ ପାଇ ଆସିଛନ୍ତି। ୮, ଏପ୍ରିଲ, ୧୯୫୦ ରେ ବିଜୟ ମହାନ୍ତି କେନ୍ଦ୍ରାପଡା ଜିଲାର ପାଣ୍ଡିରି ଗାଁରେ ଜନ୍ମଗ୍ରହଣ କରିଥିଲେ। ତେବେ ତାଙ୍କର ପିଲାଦିନ ବିତିଥିଲା ବାରିପଦାରେ। ବାରିପଦା ଗୋଟେ ସମୟରେ ଓଡିଆ ସିନେମାକୁ ସର୍ବାଧିକ ସଫଳ କଳାକାର ଦେଇଥିଲା।
