ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜଗନ୍ନାଥ ମନ୍ଦିରରୁ ଗତକାଲି ଚୋରୀ ପରେ ବିଳମ୍ବିତ ରାତିରେ ପୂର୍ବତନ ବଡ଼ପଣ୍ଡାଙ୍କ ପରଲୋକ ହୋଇଛି l ଏଭଳି କାହିଁକି ଘଟିଲା ସମସ୍ତଙ୍କୁ ଚକିତ କରିଛି l ଦୀର୍ଘ ୫୦ ବର୍ଷ ଧରି ମହାପ୍ରଭୁଙ୍କ ବଡ଼ପଣ୍ଡା ଭାବେ କାର୍ଯ୍ୟ କରି ଆସୁଥିଲେ l କିନ୍ତୁ ଦୁଇ ବର୍ଷ ହେଲା ବାର୍ଦ୍ଧକ୍ୟ ଜନିତ କାରଣରୁ ବଡ଼ପଣ୍ଡା କାର୍ଯ୍ୟରୁ ନିବୃତ ରହିଥିଲେ l ଗତକାଲି ସକାଳୁ ନୟାଗଡ଼ ଜଗନ୍ନାଥ ମନ୍ଦିରର ଦକ୍ଷିଣ ଦ୍ୱାର କବାଟ ଭାଙ୍ଗି ରତ୍ନ ସିଂହାସନ ଉପରେ ଚଢ଼ି ମହାପ୍ରଭୁ ଜଗନ୍ନାଥ, ବଳଭଦ୍ର ଓ ଭଉଣୀ ସୁଭଦ୍ରାଙ୍କ ୫ଟି ରୁପା କିରଟ, ୫ ଗୋଟି ଚିତା, ନାକ ଚଣା ଏଭଳି ସମସ୍ତ ଜିନିଷ ଦୁର୍ବୁତ ମାନେ ଲୁଟ କରି ନେଇଛନ୍ତି । ମୋଟ ୧୩୦୦ ଗ୍ରାମର ଅଳଙ୍କାର ଏବଂ ହୁଣ୍ଡିଭାଙ୍ଗି ଲକ୍ଷାଧିକ ଟଙ୍କା ଲୁଟ ହୋଇଥିବା ଘଟଣା ନୟାଗଡ଼ ଜିଲ୍ଲା ସାରା ଖେଳି ଯାଇଥିଲା l ଏନେଇ ମନ୍ଦିର ପ୍ରଶାସନ ତରଫରୁ ଟାଉନ ଥାନାରେ ଅଭିଯୋଗ ହେବା ପରେ, ପୁଲିସ ତଦନ୍ତ ଆରମ୍ଭ କରିଛି l ସହରର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଯାଞ୍ଚ କରି ତଦନ୍ତ ପକ୍ରିୟାକୁ କ୍ରିୟାଶୀଳ କରିଛି l ଏଭଳି ସ୍ଥିତିରେ ପୂର୍ବତନ ବଡ଼ପଣ୍ଡା ତଥା ନୀଳାଦ୍ରିପୁର ନିବାସୀ ଉଦୟନାଥ ଦାଶଙ୍କ ପରଲୋକ ହୋଇଯାଇଛି।
