ମୁମ୍ବାଇ, (ବାଘୁଆବାର୍ତ୍ତା): ଲଗାଣ ବର୍ଷାର ବିତ୍ପାତ ଜାରି ରହିଛି । ମହାରାଷ୍ଟ୍ରରେ ମୂଷଳ ଧାରାରେ ବର୍ଷା କାରଣରୁ ରାଜ୍ୟ ଏବେ ଜଳମଗ୍ନନ ହୋଇଯାଇଛି । ପ୍ରବଳ ବର୍ଷା ଜାରି ରହିଥିବାରୁ ଭୂସ୍ଖଳନ ହୋଇ ରାୟଗଡ଼ ଜିଲ୍ଲାରେ ୩୬ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତାଲାଇ ଅଞ୍ଚଳର ୩୨ଜଣଙ୍କର ମୃତ୍ୟୁ ହୋଇଥିବା ବେଳେ ଶଖର ସୁତାର ୱାଡିରୁ ୪ଜଣଙ୍କର ମୃତ୍ୟୁ ହୋଇଛି । ଭୂସ୍ଖଳନ ଯୋଗୁଁ ଅନେକ ମାଟି ତଳେ ଫସି ରହିଛନ୍ତି । ସେମାନଙ୍କୁ ଉଦ୍ଧାର କାର୍ଯ୍ୟ ପାଇଁ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ଜିଲ୍ଲାପାଳ ସୂଚନା ଦେଇଛନ୍ତି । ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏହି ପରିସ୍ଥିତିର ସମୀକ୍ଷା କରୁଥିବା ବେଳେ ଏନଡିଆରଏଫ ର ଏକ ଟିମ୍ ମୁମ୍ବାଇର ଭୂସ୍ଖଳନ ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟପାଇଁ ସଜବାଜ ହେଉଥିବା ଜଣାପଡିଛି ।
