ଭୁବନେଶ୍ୱର, (ବାଘୁଆବାର୍ତ୍ତା): ଇଣ୍ଡିଆନ୍ ସୁପର ଲିଗ୍ ଫୁଟବଲର ୮ମ ସଂସ୍କରଣ ମ୍ୟାଚ୍ ଅନୁଷ୍ଠିତ କରାଯିବ । ୮ମ ସଂସ୍କରଣ ପାଇଁ ଆଜି ୨୬ବର୍ଷିୟ ଭାରତୀୟ ଡିଫେଣ୍ଡର ଲାଲରୁଆଥାରାଙ୍କ ସହ ଓଡ଼ିଶା ଏଫସି ଚୁକ୍ତି କରିଛି । ଏହି ୨୬ବର୍ଷିୟ ଡିଫେଣ୍ଡର ଓଡ଼ିଶା ସହିତ ୨ବର୍ଷ ଚୁକ୍ତିବଦ୍ଧ କରିଛନ୍ତି । ୨୦୧୫ରେ ଆଇଜାଲ ଏଫସି ପକ୍ଷରୁ ପ୍ରଫେଶନାଲ କ୍ୟାରିୟର ଆରମ୍ଭ କରିଥିଲେ । ୨୦୧୫ ପରେ ୨୦୧୭ରେ କେରଳ ବ୍ଲାଷ୍ଟର୍ସ ପକ୍ଷରୁ ଖେଳିଥିଲେ । ଲାଲରୁଆଥାରାଙ୍କ ଉପସ୍ଥିତି ଦଳକୁ ଫାଇଦାରେ ରଖିବେ ବୋଲି ଓଡ଼ିଶା ଏଫସି ସିଇଓ ରୋହନ ଶର୍ମା କହିଛନ୍ତି । ଲାଲରୁଆଥାରା ମଧ୍ୟ ଓଡ଼ିଶା ଏଫସି ଦଳରେ ସାମିଲ ହୋଇ ଖୁସି ବ୍ୟକ୍ତ କରିଛନ୍ତି । ନୂତନ ଜର୍ସି, ସପୋର୍ଟିଂ ଷ୍ଟାପ୍ ଏବଂ ଖେଳାଳିଙ୍କ ସହ ଖେଳିବା ନିଶ୍ଚିତ ଭାବେ ଭିନ୍ନ ପ୍ରକାରର ଅନୁଭୂତି ହେବ ବୋଲି ସେ କହିଛନ୍ତି । ଏନେଇ କ୍ଲବ୍ ସଭାପତି ରାଜ ଅଠାୱାଲା ମଧ୍ୟ ଏହି ଚୁକ୍ତି ନେଇ ସନ୍ତୋଷ ବ୍ୟକ୍ତ କରିଛନ୍ତି ।
