ନୟାଗଡ଼,(ବାଘୁଆବାର୍ତ୍ତା): ସ୍ନେହ ଆଦର ପଛରେ ଫିକା ପଡିଲା ଜଙ୍ଗଲର ଖୋଲା ଆକାଶ । ୧୦ମାସ ତଳେ ଆହାତ ହୋଇ ଜଙ୍ଗଲରେ ପଡିଥିଲା । ତା’କୁ ଦେଖି ବ୍ୟାକୁଳ ହୋଇଥିଲା କୁନ୍ତଳା । ଘରକୁ ଆଣି ଦୀର୍ଘ ୧୦ମାସ ଧରି ସେବା ଶୁସୁର୍ଶା କରି ଭଲ କଲେ । ସ୍ନେହ ଆଦରରେ ବଢିଲା ଢୁଡ । ସେ ଢୁଡ ଆଉ କିଏ ନୁହେଁ, ସେ ହେଉଛି ଜଙ୍ଗଲି ପଶୁ ବାରହା । ଜଙ୍ଗଲି ପଶୁ ବାରହା ର ଆଦବାସୀ ମହିଳା କୁନ୍ତଳା ନାମ ଦେଇଥିଲେ ଢୁଡ । ଢୁଡକୁ ୧୦ମାସ ପାଖରେ ରଖିଥିବା ବେଳେ ବନ୍ୟପ୍ରାଣୀ ସଂରକ୍ଷଣ ଆଇନ୍ ବାରହା ଢୁଡ ଓ କୁନ୍ତଳାଙ୍କ ମଧ୍ୟରେ ଲକ୍ଷ୍ମଣ ରେଖା ଟାଣିଥିଲା । ଚଳିତ ମାସ ୯ତାରିଖ ଦିନ ବିନ ବିଭାଗର କର୍ମଚାରୀମାନେ ପହଞ୍ôଚ କୁନ୍ତଳା ପେଣ୍ଠେଇଙ୍କ ପାଖରୁ ବାରହା ଢୁଡକୁ ଉଦ୍ଧାର କରି ନିକଟସ୍ଥ ଅଗନାଅଗନୀ ଜଙ୍ଗଲରେ ଛାଡି ଦେଇଥିଲେ । ତେବେ ଢୁଡକୁ ଦୂରେଇ କୁନ୍ତଳା ଖାଇବା ପିଇବା ଛାଡି ଦେଇଥିଲେ । ଦିନରାତି ଢୁଡ ଢୁଡ ହୋଇ ଚିକ୍ରାର କରୁଥିଲେ । ଢୁଡ ପ୍ରତି କୁନ୍ତଳାର ଭଲପାଇବା ସ୍ନେହ ଆଦର ଯୋଗୁଁ କୁନ୍ତଳା ଘରୁ ଖାଇବା ନେଇ ଜଙ୍ଗଲରେ ଘୁରି ଘୁରି ବାରହା ଢୁଡକୁ ଖୋଜୁଥିଲା । ଭଗବାନ ବିଚିତ୍ର ଲିଳା, ଜଙ୍ଗଲରେ କୁନ୍ତଳା ଢୁଡକୁ ଖୋଜି ନପାଇ ଘରକୁ ଫେରିଲା ବେଳକୁ ଢୁଡ ଦୌଡି ଦୌଡି କୁନ୍ତଳା ପାଖକୁ ଆସି ତା’କୋଳରେ ମୁଣ୍ଡ ରଖି ଥକା ମାରିଲା । ଢୁଡକୁ ଦେଖି ମଧ୍ୟ କୁନ୍ତଳା ମନରେ ଖୁସିର ଲହରୀ ଖେଳିଯାଇଥିଲା । ଏଭଳି ଘଟଣା ଦେଖାଇ ଦେଇଛି କେନ୍ଦୁଝର ଅଞ୍ଚଳରେ ।
