ନୟାଗଡ଼,(ବାଘୁଆବାର୍ତ୍ତା): ରାଜ୍ୟରେ କରୋନା ମୁକାବିଲା ପାଇଁ ବିଭିନ୍ନ ବର୍ଗରୁ ଲୋକ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ସହଯୋଗର ହାତ ବଢାଇ ଦେଇଛନ୍ତି । ନୟାଗଡ଼ ଜିଲ୍ଲାର ଏକ କୁନିପିଲାର କରୋନା ପାଇଁ ସାହାଯ୍ୟର ମନୋବୃତ୍ତି ସମସ୍ତଙ୍କୁ ସଚେତନତା କରାଇବ । ୯ବର୍ଷର ବାଳକ କୁମାର ୟସରାଜ୍ ନିଜ ଘଡ଼ିରେ ସଞ୍ଚିତ କରି ରଖିଥିବା କଏନ୍କୁ ଭାଙ୍ଗି ଆଜି ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନଚନ୍ଦ୍ର ରାୟଙ୍କୁ ୫ହଜାର ୩୫୦ ଟଙ୍କା ପ୍ରଦାନ କରିଛନ୍ତି । ଓଡ଼ଗାଁ ଉଦ୍ୟାନ ବିଭାଗର ଅଧିକାରୀ ଅଜିତ୍ କୁମାର ନାୟକ ଏବଂ ବିଜୟିତା ସାମନ୍ତସିଂହାର ତହସିଲଦାର ଓଡ଼ଗାଁଙ୍କ ପୁତ୍ର କୁମାର ୟସ୍ରାଜ୍ ଆଜି ଏଳି ଅଭିନବ ପ୍ରୟାସ କରିଛନ୍ତି । କୁମାର ୟସ୍ରାଜ୍ଙ୍କ ଏଭଳି ପ୍ରୟାସକୁ ସବୁ ମହଲରୁ ପ୍ରଶଂସା କରାଯାଇଛି । କୁନିପିଲାଟିର ମାନବିକତାକୁ ନେଇ ସବୁଠୁ ଚର୍ଚ୍ଚା ଜୋର୍ ଧରିଛି । ଖେଳକୁଦ ବୟସରେ କରୋନା ପାଇଁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ସାହାଯ୍ୟ କରିବାର ମନୋବୃତ୍ତି ସମସ୍ତଙ୍କ ପାଇଁ ପ୍ରେରଣାର ଉତ୍ସ ପାଲଟିଛି ।
ଘଡ଼ି ଭାଙ୍ଗିଲା କୁନିପିଲା ମୁଖ୍ୟମନ୍ତ୍ରୀଙ୍କୁ ଦାନକଲେ ସଞ୍ଚିତ ପଇସା
