ଭୁବନେଶ୍ୱର,(ବାଘୁଆବାର୍ତ୍ତା); ଆଜି ବରମୁଣ୍ଡା ପଡ଼ିଆଠାରେ କୃଷି ଓଡ଼ିଶା ୨୦୨୧ ଉଦଘାଟିତ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିସି ମାଧ୍ୟମରେ ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଛନ୍ତି । ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଏବଂ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ, ବିଭାଗୀୟ ସଚିବ ସୈାରଭ ଗର୍ଗ ପ୍ରମୂଖ ଉପସ୍ଥିତ ରହି କାର୍ଯ୍ୟକ୍ରମକୁ ଆଗେଇ ନେଇଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୃଷିର ସଫଳତା ନିମନ୍ତେ ବାର୍ତ୍ତା ଦେଇଛନ୍ତି । ଚାଷୀ ଭାଇ ଭଉଣୀ ମାନଙ୍କୁ ସେମାନଙ୍କର ଦକ୍ଷତା ଏବଂ ସଫଳତାକୁ ରାଜ୍ୟ ସରକାର ସୁଯୋଗ ଦେଇଛି ବୋଲି ବକ୍ତବ୍ୟ ରଖିଛନ୍ତି । ଚାଷୀମାନଙ୍କର ଅଭ୍ୟାସ ଅନ୍ୟମାନଙ୍କ ପାଇଁ ସୁଯୋଗ ସୃଷ୍ଟି କରିଛି । ଅନେକ ସ୍ଥାନରେ ବହୁ ଶିକ୍ଷିତ ଯୁବକ ଚାକିରି ଛାଡ଼ି କୃଷି କ୍ଷେତ୍ରରେ ମନୋନିବେଶ କରିଛନ୍ତି । ଯାହାକି ଓଡ଼ିଶା ରାଜ୍ୟ ପାଇଁ ଏକ ଭଲ ଖବର ବୋଲି ମୁଖ୍ୟମନ୍ତ୍ରୀ କହିଛନ୍ତି । ଉଦ୍ୟାନ କୃଷି ଫସଲରେ ଚାଷୀମାନେ ଅଧିକ ଲାଭ ପାଇ ପାରୁଛନ୍ତି । ମିଲଟ୍ ମିଶନ୍ ସାରା ଦେଶ ପାଇଁ ଦୃଷ୍ଟି ଆକର୍ଷଣ କରି ପାରିଛି । କଳାହାଣ୍ଡିର ମାଛ ଚାଷୀ ସାରା ଦେଶରେ ପ୍ରଥମ ହୋଇଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି । ବିଭାଗୀୟ ମନ୍ତ୍ରୀ ତାଙ୍କ ବକ୍ତବ୍ୟରେ ସମନ୍ୱିତ ଚାଷ, କୃଷିର ବିକାଶ, କୃଷକର ଉନ୍ନତୀ ସଂମ୍ପର୍କରେ ବକ୍ତବ୍ୟ ଦେଇଛନ୍ତି । ମୁଖତଃ ଏହି ବର୍ଷର ମାସ୍କର୍ଟ ଛତୁକୁ ଆକର୍ଷଣ କରାଯାଇଛି । ପ୍ରତି ଓଡ଼ିଆ ଘରେ ଛତୁ ଏକ ନିତିଦିନିଆ ଖାଦ୍ୟ । ଛତୁ ଚାଷରେ ଓଡ଼ିଆ ଅଗ୍ରଣୀ ଭୂମୀକା ଗ୍ରହଣ କରିଛି । ପ୍ରତ୍ୟେକ ପରିବାର ନିଜ ଘରେ ଛତୁ ଚାଷ କରି ଅଧିକ ଲାଭବାନ ହେଉଛନ୍ତି । ଏହି କୃଷି ଓଡ଼ିଶା କାର୍ଯ୍ୟକ୍ରମରେ ୧୬୦ଟି କୃଷି ମଣ୍ଡପ ନିର୍ମାଣ କରାଯାଇଛି । ରାଜ୍ୟର ବହୁ ବଛା ବଛା ଚାଷୀ ଏହି କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ଆଧୁନିକ କୃଷି ପ୍ରଣାଳୀ ଓ ବୈଷୟିକ କୃଷିକୁ ପ୍ରାଧାନ୍ୟ ଦିଆଯାଇଛି ।
