କୃଷି ଓ ଉଚ୍ଚ ଶିକ୍ଷା ମନ୍ତ୍ରୀଙ୍କ ଶୋକବାର୍ତା

ନୟାଗଡ (ବାଘୁଆବାର୍ତା): ସାରା ଭାରତ ବର୍ଷର ସ୍ୱାଧିନତା ସଂଗ୍ରାମୀ ତଥା ପୂର୍ବତନ ରାଜ୍ୟସଭା ସାଂସଦ ପଦ୍ମଶ୍ରୀ ଭବାନୀ ଚରଣ ପଟ୍ଟନାୟକ ଙ୍କ ବିୟୋଗରେ କୃଷି ଓ କୃଷି ସଶକ୍ତିକରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଏବଂ ଉଚ୍ଚ ଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଶୋକ ପ୍ରକାଶ କରିଛନ୍ତି । ମନ୍ତ୍ରୀ ଡ. ସାହୁ ତାଙ୍କ ଶୋକ ବାର୍ତାରେ କହିଛନ୍ତି ଭବାନୀ ବାବୁଙ୍କ ବିୟୋଗେ ଏକ ଯୁଗର ଅବସାନ ଘଟିଛି । ଡ. ସାହୁ ତାଙ୍କ ଶୋକ ସନ୍ତପ୍ତ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି । ଗତ କିଛିଦିନ ତଳେ ଶ୍ରୀ ପଟ୍ଟନାୟକ ନିଜର ଶରୀର ଦାନ କରିଥିଲେ । ସେ ୧୯୨୨ ମସିହା ମେ ମାସ ୧୧ ତାରିଖରେ ପୁରୀ ଜିଲ୍ଲା ଅନ୍ଧିଆ ଗ୍ରାମରେ ଜନ୍ମଗ୍ରହଣ କରିଥିଲେ । ମୃତ୍ୟୁ ବେଳକୁ ତାଙ୍କୁ ୯୮ ବର୍ଷ ହୋଇଥିଲା । ଦେଶ ଜଣେ ମହାନାୟକ ମହାନ ଗାନ୍ଧୀବାଦୀ ନେତାଙ୍କୁ ହରାଇଲାବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ସମେତ ବିଭିନ୍ନ ବର୍ଗର ଲୋକ ଶୋକ ପ୍ରକାଶ କରିଛନ୍ତି । ସେ ୩ ଥର ସାଂସଦ ଭାବେ ନିର୍ବାଚିତ ହୋଇଥିଲେ । ତାଙ୍କ ଶରୀର କୁ ଆସନ୍ତା କାଲି ନିଜର ଜନ୍ମ ମାଟି ନିମାପଡାରେ ରାଜ୍ୟ ମର୍ଯ୍ୟାଦାସହ ତାଙ୍କର ଶେଷ କୃତ୍ୟ ହେବ ବୋଲି ଜଣାପଡିଛି ।