ମୟୂରଭଞ୍ଜ, (ବାଘୁଆବାର୍ତ୍ତା): ଅଧ୍ୟାପକଙ୍କୁ ଆକ୍ରମଣ। ପଛରୁ ଆସିଲେ ଭୁଜାଲି ଧରି ହାଣିଲେ। ଆଉ ମୁଣ୍ଡରେ ହେଲମେଟ ଥିବାରୁ ଅଳ୍ପକେ ଜୀବନ ବଂଚାଇପାରିଲେ ଅଧ୍ୟାପକ। ଏଭଳି ଘଟଣା ଘଟିଛି ମୟୂରଭଞ୍ଜ କପ୍ତିପଦା ଥାନା କୁକୁରଡିମା ଛକ ନିକଟରେ। ନୁଦଡିହା ମେଘାସନ ମହାବିଦ୍ୟାଳୟର ଅଧ୍ୟାପକ ରୂପେଶ କୁମାର ମହାପାତ୍ର କଲେଜ ଯାଉଥିବା ବେଳେ କୁକୁରଡିମା ଛକ ନିକଟରେ ଦୁଇ ଜଣ ଯୁବକ ଆକ୍ରମଣ କରିଛନ୍ତି। ପଛପଟୁ ବାଇକରେ ଆସି ଭୁଜାଲିରେ ତାଙ୍କ ମୁଣ୍ଡକୁ ହାଣିଥିଲେ। ଅଧ୍ୟାପକ ରୂପେଶ ହେଲମେଟ ପିନ୍ଧିଥିବାରୁ ଭୁଜାଲି ଚୋଟ ହେଲମେଟରେ ବାଜିଥିବା ବେଳେ ଅଳ୍ପକେ ବର୍ତି ଯାଇଥିଲେ। ହେଲେ ଦୁଇ ଦୁର୍ବୃତ୍ତ ପୁଣି ଭୁଜାଲିରେ ତାଙ୍କୁ ହାଣିଥିବା ବେଳେ ତାଙ୍କ କାନ୍ଧରେ କ୍ଷତ ହୋଇଛି। ଘଟଣାସ୍ଥଳରୁ ଖସିଯିବାକୁ ଉଦ୍ରମ କରୁଥିବା ବେଳେ ଦୁବୁର୍ତମାନେ କିଛି ବାଟ ତାଙ୍କୁ ଗୋଡାଇଥିଲେ। ହେଲେ ସେ ନିକଟସ୍ଥ ଗାଁ ଭିତରକୁ ପଶିଯିବାରୁ ଦୁର୍ବୃତ୍ତମାନେ ସେଠାରୁ ଖସି ଚାଲିଯାଇଥିଲେ। ତେବେ କେଉଁ କାରଣରୁ ଅଧ୍ୟାପକଙ୍କୁ ଆକ୍ରମଣ ହୋଇଛି ତାହା ସ୍ପଷ୍ଟ ହୋଇନଥିବା ବେଳେ ଘଟଣାର ଖୋଳତାଡ କରୁଛି ପୋଲିସ୍।
