ନୟାଗଡ଼,(ବାଘୁଆବାର୍ତ୍ତା): ପୁଅର ପରକ୍ରିୟା ପ୍ରୀତି ପାଇଁ ମାଆକୁ ଛୁରା ମାଡ଼ । ଛୁରା ମାଡ଼ ମାଆ ଲହୁ ଲୁହାଣ ହୋଇ ଗୁରୁତର ହୋଇଥିବା ବେଳେ ସ୍ଥାନୀୟ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି । ଏଭଳି ଅଭାବନୀୟ ଘଟଣା ଘଟିଛି ତେଲେକାଇ ଥାନା ଅଞ୍ଚଳରେ । ସୂଚନାନୁସାରେ, କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ଖୁଣ୍ଟୁପଡା ଗାଁରେ ଜଣେ ବିବାହିତା ମହିଳାଙ୍କ ସହିତ ବିଧବା ମହିଳାଙ୍କ ପୁଅର ଅନୈତିକ ସଂପର୍କ ରଖିଆସିଥିଲା । ଏହାକୁ ନେଇ ମଧ୍ୟ ବିବାହିତା ମହିଳାଙ୍କ ସ୍ୱାମୀ ବାରମ୍ବାର ତାଗିତ୍ କରିବା ସହିତ ଥାନାକୁ ମଧ୍ୟ ମାମଲା ଯାଇଥିଲା । ଥାନାରେ ଉଭୟଙ୍କ ପରିବାର ମଧ୍ୟରେ ଆପୋସ ସମାଧାନ ହୋଇଥିଲେ ମଧ୍ୟ ବିଧବା ମହିଳାଙ୍କ ପୁଅ ଏହାକୁ ଖାତିର ନକରି ପୁନଃ ଉକ୍ତ ମହିଳାଙ୍କ ସହିତ ଅନୈତିକ ସଂପର୍କ ରଖିଥିଲା । ଯାହାକୁ ନେଇ ଦୁଇ ଦିନ ତଳେ ଉଭୟ ପରିବାର ମଧ୍ୟ ଝଗଛା ଲାଗିଥିଲା । ନିଜ ସ୍ତ୍ରୀର ଏଭଳି କାରନାମା ଦେଖି ସ୍ୱାମୀ ଜଣକ ବିଧବା ମହିଳାଙ୍କ ଘରେ ପସି ଉକ୍ତ ଯୁବକକୁ ଖୋଜିଥିଲା । ଯୁବକକୁ ନପାଇ ବିବାହିତା ମହିଳାଙ୍କ ସ୍ୱାମୀ ଶେଷରେ ବିଧବା ମହିଳାଙ୍କୁ ଛୁରାରେ ଆକ୍ରମଣ କରିଥିଲା । ବିଧବା ମହିଳା ଜଣକ ଗୁରୁତର ହୋଇ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି ।
