ନୀଳଗିରି, (ବାଘୁଆବାର୍ତ୍ତା): ଦୁଇ ନାବାଳିକା ଭଉଣୀକୁ ଅପହରଣ କରିନେଇଥିବା ଅଭିଯୋଗ ହୋଇଛି। ବାଲେଶ୍ଵର ଜିଲ୍ଲା ନୀଳଗିରି ଥାନା ଅଧୀନ ଏକ ଅଞ୍ଚଳର ଦୁଇ ନାବାଳିକା ଭଉଣୀକୁ ଗତକାଲି ଦୁଇ ଜଣ ଯୁବକ ଅପହରଣ କରିନେଇଥିବା ଆଜି ନାବାଳିକାର ମା’ ଅଯୋଧ୍ୟା ଫାଣ୍ଡିରେ ଅଭିଯୋଗ କରିଛନ୍ତି। ଅପହରଣ କରିଥିବା ଦୁଇ ଜଣ ଯୁବକ ମଧ୍ୟରୁ ଜଣେ ସଜନାଗଡ଼ ଅଞ୍ଚଳର ଓ ଅନ୍ୟ ଜଣେ ପୁଡ଼ାଶୁଳ ଅଞ୍ଚଳର ବୋଲି ନାବାଳିକାଙ୍କ ମା’ ସନ୍ଦେହ କରିଛନ୍ତି। ନାବାଳିକାଙ୍କ ଜୀବନ ବିପଦରେ ଥିବା ତାଙ୍କ ମା’ କହିଛନ୍ତି। ଏନେଇ ଅଭିଯୋଗ ପାଇ ପୋଲିସ ପକ୍ଷରୁ ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
