ନୟାଗଡ଼, (ବାଘୁଆବାର୍ତ୍ତା): ଭୁବନେଶ୍ୱର ଉପକଣ୍ଠରୁ ଗୁରୁବାର ସକାଳେ ୫ଟି ଭାଲୁ ଛୁଆ ଉଦ୍ଧାର କରାଯାଇଥିବା ବେଳେ ପୁଣି ବିଳମ୍ବିତ ରାତିରେ ଆଉ ଦୁଇଟି ଭାଲୁ ଛୁଆକୁ ଖୋର୍ଦ୍ଧାଗଡ଼ ରାସ୍ତାରୁ ଉଦ୍ଧାର କରିଛନ୍ତି ସ୍ଥାନୀୟ ଲୋକ । ସୂଚନାନୁସାରେ, ଖୋର୍ଦ୍ଧା ନିକଟସ୍ଥ ଗଙ୍ଗପଡ଼ା ଟୋଲ ଗେଟ୍ ପାଖ କାଜୁ ଜଙ୍ଗଲରୁ ୫ଟି ଭାଲୁ ଛୁଆ ଉଦ୍ଧାର କରି ବନ ବିଭାଗକୁ ହସ୍ତାନ୍ତର କରିଥିବା ବେଳେ ପୁଣି ବିଳମ୍ବିତ ରାତିରେ ଆଉ ଦୁଇଟି ଭାଲୁ ଛୁଆ ଉଦ୍ଧାର କରି ବନ ବିଭାଗକୁ ହସ୍ତାନ୍ତର କରାଯାଇଥିବା ଜଣାପଡିଛି । ବନବିଭାଗ ସମସ୍ତ ଭାଲୁ ଛୁଆର ସ୍ୱାସ୍ଥ୍ୟ ପରୀକ୍ଷା କରି ଜଙ୍ଗଲରେ ଛାଡି ଦେଇଥିବା ସୂଚନା ମିଳିଛି ।
