ତୋ ପ୍ରେମରେ ମୁଁ ଦିୱାନା

ଭୁବନେଶ୍ୱର,(ବାଘୁଆବାର୍ତ୍ତା): ମାତାଲ ଅବସ୍ଥାରେ ମାଷ୍ଟରକ୍ୟାଣ୍ଟିନ୍ ଛକରେ ଠିଆ ହୋଇ ଚିଲାଇ ଚିଲାଇ କହୁଥିଲେ, ମୁଁ କଣ ଡରିଛି? ତୋ ପ୍ରେମରେ ମୁଁ ଦିୱାନା ହେଇଯାଇଛି କହି ହାତରେ ବ୍ଲେଡ୍ ଧରି ହାଇଡ୍ରାମା କରୁଥିବା ବେଳେ ପୁଲିସ ଆସି ମହିଳାକୁ ଉଦ୍ଧାର କରି ଥାନାକୁ ନେଇଥିଲା । ମହିଳା ଜଣକ ପୂର୍ବରୁ ବିବାହ ହୋଇଥିଲେ ମଧ୍ୟ ସ୍ୱାମୀଙ୍କର ମୃତ୍ୟୁ ହୋଇଥିଲା । ଉକ୍ତ ମହିଳାଙ୍କ ଘର ବ୍ରହ୍ମପୁର ଅଞ୍ଚଳର ହୋଇଥିବା ବେଳେ ସ୍ୱାମୀଙ୍କର ମୃତ୍ୟୁ ପରେ ଦିଅର ପାଖରେ ରହୁଛନ୍ତି । ତେଣୁ କଳ ହେଲା କେଜାଣି ହାତରେ ବ୍ଲେଡ୍ ଧରି ମଦ୍ୟପାନ କରି ମାତାଲ ଅବସ୍ଥାରେ ରାଜଧାନୀର ଛାତି ଉପରେ ଠିଆ ହୋଇ କହୁଥିଲେ, ମୁଁ କଣ ଡରିଛି , ତୋ ପ୍ରେମରେ ମୁଁ ଦିୱାନା କହି ହାଇଡ୍ରାମା କରୁଥିବା ବେଳେ ଲୋକ ରୁଣ୍ଢ ହୋଇ ଖାରବେଳ ନଗର ଥାନାକୁ ଖବର ଦେଇଥିଲେ । ପୁଲିସ ଖବର ପାଇ ଘଟଣାସ୍ଥଳରେ ପହଞ୍ôଚ ମହିଳାଙ୍କୁ ଉଦ୍ଧାର କରି ଥାନାକୁ ନେଇଥିଲା । ମହିଳାଙ୍କ ଠାରୁ ସମସ୍ତ ସୂଚନା ପାଇବା ପରେ ପୁଲିସ ଦିଅରକୁ ଖବର ଦେଇଥିଲେ । ଦିଅର ଥାନାକୁ ଆସି ମହିଳାଙ୍କୁ ନେଇଥିବା ଜଣାପଡିଛି ।