ଭାପୁର, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଖଣ୍ଡପଡ଼ା ନିର୍ବାଚନ ମଣ୍ଡଳୀରେ ଆଜି ବିଜେଡି ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି । ବନମାଳୀପୁର ପଂଚୁଦୋଳ ପଡ଼ିଆଠାରେ ବିଜୁ ଜନତା ଦଳର ପ୍ରତିଷ୍ଠା ଦିବସରେ ମୁଖ୍ୟ ଅତିଥି ଭାବେ ଖଣ୍ଡପଡ଼ା ବିଧାୟକ ସୈାମ୍ୟରଂଜନ ପଟ୍ଟନାୟକ ଯୋଗ ଦେବା ସହ ଭାପୁର ବିଜେଡି ସଭାପତି ଗୟାଧର ପରିଡ଼ା, ଖଣ୍ଡପଡ଼ା ବ୍ଲକ ପୂର୍ବତନ ଅଧ୍ୟକ୍ଷ ଶିଶିର କୁମାର ସାହୁ, ଗୀତାଞ୍ଜଳୀ ସେଠି, ସୁମିତ୍ରା ରାଉତ, ବିଷ୍ଣୁପ୍ରିୟା ବେହେରା, ଭାପୁର ବ୍ଲକ ଅଧ୍ୟକ୍ଷା ଶାନ୍ତିଲତା ବେହେରା, ସୈାମ୍ୟ ରଂଜନ ମହାପାତ୍ର ପ୍ରମୂଖ ଯୋଗ ଦେଇଥିଲେ । ବିଜେଡି ଦୀର୍ଘଦିନ ଧରି ଲୋକଙ୍କ ସେବା କରିବା ସହ ଓଡ଼ିଶାକୁ ଆଗକୁ ନେଇ ଚାଲିଛି । ନିରବଚ୍ଛିନ ଭାବେ ଶାସନରେ ରହି ଲୋକାଭିମୂଖୀ ଯୋଜନା ଦ୍ୱାରା ବିଜେଡି ଲୋକପ୍ରିୟ ହୋଇପାରିଥିବା ନେତାମାନେ ତାଙ୍କ ବକ୍ତବ୍ୟରେ କହିଥିଲେ ।
