୨ ବାଇକ ଓ ଅଫୁଟା ବୋମା ଜବତ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଖଣ୍ଡପଡ଼ା ଥାନା ଅନ୍ତର୍ଗତ ଖଳିସାହି ବଜାରରେ ଗତକାଲି କିଛି ଯୁବକ ବୋମା ମାଡ଼ କରି ଆତଙ୍କ ସୃଷ୍ଟି କରିଥିବା ବେଳେ ଆଜି ସଂପୃକ୍ତ ଯୁବକମାନଙ୍କୁ ପୁଲିସ ଗିରଫ କରିଛି । ସେମାନେ ହେଲେ ଆଲୋକ ନାୟକ, ଜିତେନ ନାୟକ, ନୀଳକଣ୍ଠ ନାୟକ, ରଂଜନ ନାୟକ । ପୁଲିସ ସେମାନଙ୍କଠାରୁ ଅଫୁଟା ବୋମା ଓ ବାଇକ ଜବତ କରିଛି । ଏହି ଚାରି ଜଣଙ୍କୁ ପୁଲିସ ଆଜି ଗିରଫ କରିବା ସହ କୋର୍ଟ ଚାଲାଣ କରିଥିବା ଜଣାପଡ଼ିଛି । ସ୍ଥାନୀୟ ଅଂଚଳରେ ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପେଟ୍ରୋଲିଂକୁ କଡ଼ାକଡ଼ି କରାଯାଇଛି ।