କେସିଙ୍ଗା, (ବାଘୁଆବାର୍ତ୍ତା): ଆଜି ଭବାନିପାଟଣା ଅଞ୍ଚଳର ଏକ ଘର ଭିତରକୁ ଏକ ଦ୍ରୁତଗାମୀ ଟ୍ରକ ପସିଯାଇଥିବା ଦେଖିବାକୁ ମିଳିଛି । ଯାହାଫଳରେ ଜଣେ ମହିଳାଙ୍କ ମୃତ ହୋଇଥିବା ବେଳେ ମହିଳାଙ୍କ ସ୍ୱାମୀ ଗୁରୁତର ଥିବା ଜଣାପଡିଛି । ସୂଚନାନୁସାରେ, କେସିଙ୍ଗା ଥାନା ଅନ୍ତର୍ଗତ ୨୬ନଂ ଜାତୀୟ ରାଜପଥ ଦେଇ ଏକ ଦ୍ରୁତଗାମୀ ଟ୍ରକ ଆସି ଭାରସାମ୍ୟ ହରାଇ କନ୍ତେସିର ଛକ ନିକଟରେ ଜଣଙ୍କ ଘର ଭିତରକୁ ପସିଯାଇଥିଲା । ଯାହାଫଳରେ ଘର ଭିତରେ ଥିବା ମହିଳାଙ୍କର ମୃତ ହୋଇଥିବା ବେଳେ ମହିଳାଙ୍କ ସ୍ୱାମୀ ଗୁରୁତର ହୋଇ ସ୍ଥାନୀୟ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଟ୍ରକ୍ ଡ୍ରାଇଭର ଓ ହେଲପର ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ କେସିଙ୍ଗା ପୁଲିସ୍ ଘଟଣାସ୍ଥଳରେ ପହଞ୍ଚି ମହିଳାଙ୍କ ଶବ ଉଦ୍ଧାର କରିବା ସହିତ ଟ୍ରକଟିକୁ ଜବତ କରି ଥାନାକୁ ନେଇଥିବା ଜଣାପଡିଛି ।
