କେସିଙ୍ଗା, (ବାଘୁଆବାର୍ତ୍ତା): ନଦୀ ପଠାରୁ ମିଳିଲା ମହିଳା ଅଧପୋତା ଶବ । ଆଜି କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅନ୍ତର୍ଗତ ଅମାଠ ନିକଟସ୍ଥ ତେଲ ନଦୀ ଘାଟରୁ ଏକ ଅଚିହ୍ନା ମହିଳାଙ୍କ ଶବ ଦେଖି ସ୍ଥାନୀୟ ଲୋକ ପୁଲିସ ଖବର ଦେଇଥିଲେ । ଘଟଣାସ୍ଥଳରେ କେସିଙ୍ଗା ପୁଲିସ ପହଞ୍ଚି ମୃତ ଶରୀରକୁ ଉଦ୍ଧାର କରିଥିଲା । ଶବର ପରିଚୟ ଜାଣିବାକୁ ପୁଲିସ ସ୍ଥାନୀୟ ଲୋକମାନଙ୍କୁ ପଚରାଉଚରା କରିଥିବା ବେଳେ ମହିଳାଙ୍କ ପରିଚୟ ମିଳିପାରି ନଥିଲା । ତେବେ ପୁଲିସ ଶବଟିକୁ ବ୍ୟବଚ୍ଛେଦ କରିବା ପାଇଁ କେସିଙ୍ଗା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ବେଳେ କେସିଙ୍ଗା ପୁଲିସ୍ ଏହାକୁ ଗୁରୁତର ସହିତ ନେଇ ପ୍ରାଥମିକ ତଦନ୍ତ ଆରମ୍ଭ କରିଥିବା ପୁଲିସ୍ ପକ୍ଷରୁ ସୂଚନା ମିଳିଛି ।
