ଚାଉଳ ଚୋରୀ ଘଟଣାରେ ବିଡିଓ ଦେଲେ ଏତଲା

୪ ଜଣଙ୍କ ନାମରେ ମାମଲା ରୁଜୁ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ବ୍ଲକ କେରେଣ୍ଡାଟାଙ୍ଗି ଚାଉଳ ଚୋରୀ ଘଟଣାରେ ଏବେ ଭିନ୍ନ ମୋଡ଼ ନେବାକୁ ଯାଉଛି । ଜିଲ୍ଲାପାଳ ଡ. ପୋମା ଟୁଡୁଙ୍କ ନିର୍ଦ୍ଦେଶକ୍ରମେ ରଣପୁର ବିଡିଓ ପୂର୍ଣ୍ଣଚନ୍ଦ୍ର ପଟ୍ଟାୟତ ଏତଲା ଦେଇଛନ୍ତି । ଏତକାଲି ଭିତ୍ତି କରି ଚାନ୍ଦପୁର ପୁଲିସ ୭୭/୨୧ରେ ଏକ ମାମଲା ରୁଜୁ କରିଛି । ପଞ୍ଚାୟତ ନିର୍ବାହୀ ଅଧିକାରୀ ସୁନୀଲ ବେହେରା, ସରପଞ୍ଚ ଜିତେନ୍ଦ୍ର ପ୍ରଧାନଙ୍କ ଭାଇ ଧିରେନ୍ଦ୍ର ପ୍ରଧାନ, ଚାଉଳ ବେପାରି ପୂର୍ଣ୍ଣଚନ୍ଦ୍ର ଦଳେଇ ଏବଂ କେଦାର ସ୍ୱାଇଁ ନାମରେ ପୁଲିସ ମାମଲା ରୁଜୁ କରିଛି । ଗତକାଲି ରାତିରେ ପୁଲିସ ପୂର୍ଣ୍ଣଚନ୍ଦ୍ର ଦଳେଇ ଏବଂ କେଦାର ସ୍ୱାଇଁଙ୍କ ଘରେ ଚଢ଼ାଉ କରିଥିବା ବେଳେ ସେମାନେ ଫୋରର ଥିବା ସୂଚନା ମିଳିଛି । ସୂଚନାନୁସାରେ, କେରେଣ୍ଡାଟାଙ୍ଗି ପଞ୍ଚାୟତ ଗୋଦାମ ଗୃହରୁ ଚାଉଳ ଚୋରୀ ହେଉଥିବା ନେଇ ଏକ ଭିଡିଓ ଭାଇରାଲ ହୋଇଥିଲା । ଜିଲ୍ଲାପାଳଙ୍କ ନିର୍ଦ୍ଦେଶରେ ଜିଲ୍ଲା ସହକାରୀ ଯୋଗାଣ ଅଧିକାରୀ ଜୟନ୍ତ ଦାଶ, ଉପଖଣ୍ଡ ପଞ୍ଚାୟତ ଅଧିକାରୀ ମନୋରଞ୍ଜନ ମହାନ୍ତି ଏହାର ତଦନ୍ତ କରି ଗତ ଗତ ୧୭ ତାରିଖରେ ରିପୋର୍ଟ ଦାଖଲ କରିଥିଲେ । ତଦନ୍ତ ରିର୍ପୋଟକୁ ପାଠ କରି ଗତ ୨୪ ତାରିଖରୁ ଜିଲ୍ଲାପାଳ ଏତଲା ଦେବାକୁ ରଣପୁର ବିଡିଓଙ୍କୁ ନିର୍ଦ୍ଦେଶ ଦେଇଥିଲେ । ମାତ୍ର ଆଳ ଦେଖାଇ ସମୟ ଗଡ଼ାଇ ଚାଲିଥିବା ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପରେ ଶନିବାର ବିଡିଓ ଚାନ୍ଦପୁର ଥାନାରେ ଏତଲା ଦେଇଥିବା ଜଣାଯାଇଛି ।