କନ୍ୟାସନ୍ତାନ ସୁରକ୍ଷା ନିମନ୍ତେ ମାନବଶୃଙ୍ଖଳ

ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଆସନ୍ତାକାଲି ଠାରୁ ଆରମ୍ଭ ହେବାକୁ ଥିବା ଜିଲ୍ଲା ମହୋତ୍ସବ ଓ ପଲ୍ଲିଶ୍ରୀ ମେଳା ଉପଲକ୍ଷେ ଏକ ମାନବଶୃଙ୍ଖଳ କାର୍ଯ୍ୟକ୍ରମ ଅନୁଷ୍ଠିତ ହେବ । ଏହାର ମୁଖ୍ୟ ଉଦ୍ଦେଶ୍ୟ ହେଉଛି କନ୍ୟାସନ୍ତାନ ସୁରକ୍ଷା । ଏହି ଉପଲକ୍ଷେ ସିନ୍ଦୁରିଆ କେନ୍ଦ୍ରୀୟ କୋଅପରେଟିଭ୍ ବ୍ୟାଙ୍କ ଠାରୁ ନୟାଗଡ଼ ନୂଆ ବସ୍ଷ୍ଟାଣ୍ଡ ପର୍ଯ୍ୟନ୍ତ ଏକ ମାନବଶୃଙ୍ଖଳ କାର୍ଯ୍ୟକ୍ରମ ଅନୁଷ୍ଠିତ ହେବ । ଦିବା ୧୧ଘଟିକାରୁ ୧୧ଟା ୧୫ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ସମସ୍ତ ବ୍ଲକ୍, ଅଙ୍ଗନୱାଡି କେନ୍ଦ୍ର, ସ୍କୁଲ ଅନୁଷ୍ଠାନମାନଙ୍କରେ ଏହି ସମୟରେ ପାଳନ କରିବା ପାଇଁ ଜିଲ୍ଲାପାଳ ଆଜି ସମସ୍ତଙ୍କୁ ନିବେଦନ କରିଛନ୍ତି । ମୁଖ୍ୟତଃ କନ୍ୟାଭୃଣ ହତ୍ୟା ରୋକନ୍ତୁ, ବାଲ୍ୟ ବିବାହକୁ ନାଁ କୁହନ୍ତୁର ବାର୍ତ୍ତା ଏହି ମାନବଶୃଙ୍ଖଳର ମୁଖ୍ୟ ଉଦ୍ଦେଶ୍ୟ । ୫ଦିନ ଧରି ଅନୁଷ୍ଠିତ ଏହି ମହୋତ୍ସବରେ ଏକ ମାସ୍କଟ ବୁଲିବ । ସମସ୍ତଙ୍କୁ ସଚେତନ କରାଇବ ।