ବିବାହର ପ୍ରତିଶୃତି ଦେଇ କଲେ ବଳତ୍କାର, କଙ୍ଗନା ରଣାୱତଙ୍କ ବଡିଗାର୍ଡ, ପୁଲିସ ତଦନ୍ତ ଜାରି

ନୂଆଦିଲ୍ଲୀ (ବାଘୁଆବାର୍ତ୍ତା): ବଲିଉଡର ଅଭିନେତ୍ରୀ କଙ୍ଗନା ରଣାୱତ ପ୍ରାୟତଃ ତାଙ୍କ ଟ୍ୱିଟକୁ ନେଇ ଚର୍ଚ୍ଚାରେ ରହିଥାନ୍ତି । ଏଥର କଙ୍ଗନା ନୁହଁନ୍ତି ତାଙ୍କ ସହ ଜଡିତ ଜଣେ ବ୍ୟକ୍ତି ଚର୍ଚ୍ଚାରେ ରହିଛନ୍ତି । ସେହି ବ୍ୟକ୍ତି ଆଉ କେହି ନୁହଁନ୍ତି କଙ୍ଗନାଙ୍କ ବଡିଗାର୍ଡ କୁମାର ହେଗଡେ । କଙ୍ଗନାଙ୍କ ବଡିଗାର୍ଡ ବିରୋଧରେ ପୋଲିସ ଷ୍ଟେସନରେ ଏକ ବଳତ୍କାର ମାମଲା ରୁଜୁ ହୋଇଛି । ସୂଚନା ଅନୁଯାୟୀ, ଅଭିନେତ୍ରୀଙ୍କ ବଡିଗାର୍ଡ କୁମାର ହେଗେଡଙ୍କ ଉପରେ ଜଣେ ୩୦ ବର୍ଷୀୟା ବ୍ୟୁଟିସିୟାନ ଅଭିଯୋଗ ଆଣିଛନ୍ତି ଯେ ହେଗେଡ ତାଙ୍କୁ ବିବାହ କରିବାକୁ ପ୍ରତିଶୃତି ଦେଇ ବଳତ୍କାର କରିଛନ୍ତି । ଅଭିଯୋଗରେ ପୀଡିତା କହିଛନ୍ତି ଯେ କୁମାର ହେଗଡେ ବିବାହ ପାଇଁ ପ୍ରସ୍ତାବ ଦେଇଥିଲେ । କେବଳ ଏତିକି ନୁହେଁ, କୁମାର ମଧ୍ୟ ମହିଳାଙ୍କୁ ଲିଭ ଇନ ରିଲେସନସିପରେ ରହିବାକୁ କହିଥିଲେ, ଯେଉଥିପାଇଁ ସେ ଏହା ଭାବି ରାଜି ହୋଇଥିଲେ ଯେ ସେ ତାଙ୍କୁ ବିବାହ କରିବେ । ପୀଡିତା ଜଣଙ୍କ କହିଛନ୍ତି ସେ ଶାରୀରିକ ସମ୍ପର୍କ ରଖିବାକୁ ମନା କରିଦେଇଥିଲେ କିନ୍ତୁ କୁମାର ହେଗଡେ ତାଙ୍କୁ ଏହା କରିବାକୁ ବାଧ୍ୟ କରିଥିଲେ । ପୀଡିତା ଅଭିଯୋଗ କରିଛନ୍ତି ଯେ କୁମାର ତାଙ୍କଠାରୁ ୫୦,୦୦୦ ଟଙ୍କା ଋଣ ନେଇଥିଲେ । ସେ କହିଥିଲେ ଯେ ତାଙ୍କ ମା ଅସୁସ୍ଥ ଥିବାରୁ ତାଙ୍କୁ ନିଜ ସହରକୁ ଯିବାକୁ ପଡିବ । ଏହା ପରେ ତାଙ୍କ ସହ ଯୋଗାଯୋଗ ହୋଇ ପାରିନାହିଁ । ଏଫଆଇଆର ଅନୁଯାୟୀ, ଗତ ବର୍ଷ ଜୁନ ମାସରେ ପୀଡିତା କୁମାର ହେଗଡେଙ୍କୁ ଏକ ଫିଲ୍ମ ସୁଟିଂ ସମୟରେ ଭେଟିଥିଲେ । ପୀଡିତାଙ୍କ ଅଭିଯୋଗରେ, ଆଇପିସିର ଧାରା ୩୭୬, ୩୭୭ ଏବଂ ୪୨୦ ଅନୁଯାୟୀ ଏକ ମାମଲା ରୁଜୁ ହୋଇଛି ଏବଂ ପୁଲିସ ଏହାର ତଦନ୍ତ ଆରମ୍ଭ କରିଛି ।