ଟରୋଣ୍ଟୋ, (ବାଘୁଆବାର୍ତ୍ତା): କାନାଡାର ଏକ ସ୍କୁଲ କ୍ୟାମ୍ପସରେ ଭିତରୁ ୨୧୫ ଶିଶୁଙ୍କ ମୃତଦେହ ପୋତା ଯାଇଥିବାର ଦେଖିବାକୁ ମିଳିଛି । ଏଥିମଧ୍ୟରେ ତିନି ବର୍ଷ ପର୍ୟ୍ୟନ୍ତ ପିଲାମାନଙ୍କ ମୃତ ଶରୀର ମଧ୍ୟ ଅଛି । ଏହି ସ୍କୁଲଟି କେବେ କାନାଡାର ସର୍ବ ବୃହତ ଆବାସିକ ବିଦ୍ୟାଳୟ ଭାବରେ ପରିଗଣିତ ହେଉଥିଲା । ସ୍କୁଲର ଜଣେ ଅଧିକାରୀ ରୋଜାନେ କାସିମିର ଙ୍କ କହିବା ଅନୁସାରେ ମାଟିକୁ ଭେଦ କରିପାରୁଥିବା ରାଡାର ଯୋଗେ ଗତ ସପ୍ତାହରେ ମୃତ ଦେହ ଗୁଡିକ ସମ୍ପର୍କରେ ଜଣା ପଡିଥିଲା । ଆହୁରି ଅଧିକ ମୃତ ଦେହ ମିଳିପାରେ । କାରଣ ସ୍କୁଲ ପରିସରରେ ଏବେ ଆହୁରି ଅଞ୍ଚଳରେ ଛାନଭିନ୍ନ କରାଯିବ। ଯେଉଁ ସ୍କୁଲ କ୍ୟାମ୍ପସରେ ଏହି ମୃତଦେହ ମିଳିଛି ଏହାର ନାମ କେମଲୁପ୍ସ ଇଣ୍ଡିଆନ୍ ରେସିଡେନ୍ସିଆଲ୍ ସ୍କୁଲ୍ । ଉନବିଂଶମ ଶତାବ୍ଦୀର ଆରମ୍ଭରୁ ୧୯୭୦ ଦଶକ ପର୍ୟ୍ୟନ୍ତ ଦେଶର ବିଭିନ୍ନ ସ୍ଥାନରୁ ପ୍ରାୟ ଦେଢଲକ୍ଷରୁ ଅଧିକ ପିଲାଙ୍କୁ ଏହି ଖ୍ରିଷ୍ଟିୟାନ ବିଦ୍ୟାଳୟକୁ ଅଣାଯାଇଥିଲା । ତେବେ ସେମାନ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ବାଧ୍ୟ କରାଯାଇଥିଲା । ଏପରକି ସେମାନଙ୍କର ମାତୃଭାଷା ମଧ୍ୟ କହିବାକୁ ଅନୁମତି ଦିଆଯାଇନଥିଲା । ଦରକାର ପଡିଲେ ଅନେକଙ୍କୁ ମାଡ ମଧ୍ୟ ଦିଆଯାଇଥିଲା । ଏହା ଏକ ଭଳି କ୍ଷତି ଯାହା ବିଷୟରେ ଆପଣ କେବେ ଚିନ୍ତା କରିପାରିବେ ନାହିଁ । ଉଲେଖନୀୟ ଯେ,ଏହି ସ୍କୁଲ ୧୮୯୦ ରୁ ୧୯୬୯ ପର୍ୟ୍ୟନ୍ତ ଚାଲିଥିଲା । ଏହାପରେ ସଂଘୀୟ ସରକାର କ୍ୟାଥଲିକ ଚର୍ଚ ଏହାର ସଂଚଳନା ନିଜ ହାତରେ ନେଇଥିଲା । ଏହି ସ୍କୁଲ ୧୯୭୮ ରେ ବନ୍ଦ ହୋଇଯାଇଥିଲା । କୁହାଯାଏ ଯେ ଏହି ସମୟ ମଧ୍ୟରେ ପ୍ରାୟ ୬ ହଜାର ଶିଶୁ ପ୍ରାଣ ହରାଇଥିଲେ । ଏହାକୁ ନେଇ ୨୦୦୮ରେ କାନାଡା ସରକାର ସଂସଦରେ କ୍ଷମାପ୍ରାର୍ଥନା ବି କରିଥିଲେ । ଏବଂ ଏହାକୁ ବି ସ୍ୱିକାର କରିଥିଲେ ଯେ, ସେହି ସମୟରେ ଖ୍ରୀଷ୍ଟିଆନ ବିଦ୍ୟାଳୟରେ ପିଲାମାନଙ୍କୁ ଶାରୀରିକ ତଥା ଯୌନ ଉତ୍ପୀଡନର ଶିକାର ମଧ୍ୟ କରାଯାଉଥିଲା ।
ମାଟି ତଳୁ ରାଡାର ବାହାର କଲା ୨୧୫ ଶିଶୁଙ୍କ ମୃତଦେହ, ଏହା ଏକ ସ୍କୁଲ କ୍ୟାମ୍ପସର ଘଟଣା
