ଭୁବନେଶ୍ୱର, (ବାଘୁଆବାର୍ତ୍ତା): ଆସନ୍ତା କାଲି ପବିତ୍ର ଅକ୍ଷୟ ତୃତୀୟା । ଏହି ଦିନରେ ଚାଷି ତା’ର ବର୍ଷକର ଖାଦ୍ୟ ସଂଗ୍ରହ କରିବା ପାଇଁ ଅଖୀ ମୁଠି ଅନୁକୁଳ କରିଥାଏ । ଆଜି ଅପରାହ୍ଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାଳିଆ ଯୋଜନାରେ ସଂପୃକ୍ତ ଥିବା ଚାଷିମାନଙ୍କ ଖାତାକୁ କାଳିଆ ସହାୟତାର ଶୁଭାରମ୍ଭ କରିବେ ବୋଲି ସୂଚନା ମିଳିଛି । ଅକ୍ଷୟ ତୃତୀୟା ଅବସରରେ ରାଜ୍ୟର ଚାଷିମାନଙ୍କୁ ମିଳିବ ‘କାଳିଆ’ ସହାୟତାର ଅର୍ଥ । ଏକ ସ୍ୱତନ୍ତ୍ର ଭର୍ଚୁଆଲ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉପସ୍ଥିତ ରହି ରାଜ୍ୟର ସମସ୍ତ କାଳିଆ ଯୋଜନାରେ ଅନ୍ତର୍ଭୁକ୍ତ ହୋଇଥିବା ଚାଷିମାନଙ୍କୁ କାଳିଆ ଯୋଜନା ଅର୍ଥ ଆଜି ଅପରାହ୍ନ ୫ଟାରେ ସମୟରେ ପଠାଇବେ । ପୂର୍ବରୁ କାଳିଆ ଯୋଜନାରେ ଲକ୍ଷାଧିକ ଚାଷି ସଫଳତା ପାଇଥିବା ଜଣାପଡିଛି । ରାଜ୍ୟ ସରକାରଙ୍କ କୃଷି ଓ କୃଷକ ଶସକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଓ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହ, ବିଭାଗୀୟ ସଚିବ ପ୍ରମୁଖ ଉପସ୍ଥିତ ରହିବେ ।
