ନୟାଗଡ଼,(ବାଘୁଆବାର୍ତ୍ତା): ସଂଯୁକ୍ତ କିଷାନ ମୋର୍ଚ୍ଚା ଆହ୍ୱାନରେ ଦିଲ୍ଲୀରେ ଚାଲିଥିବା କୃଷକ ଆନ୍ଦୋଳନର ଛଅମାସ ପୂର୍ତ୍ତୀ ଅବସରରେ ମଇ ୨୬ ତାରିଖରେ ନୟାଗଡ଼ରେ କଳାଦିବସ ପାଳିତ ହୋଇଯାଇଛି । ଅଖିଳ ଭାରତ କୃଷକସଭା ନେତୃତ୍ୱରେ ସଂଗଠିତ ଏହି ପ୍ରତିବାଦ ବିକ୍ଷୋଭରେ ବିଭିନ୍ନ ଗଣ ସଂଗଠନ ପ୍ରତୀକଭାବେ ଯୋଗ ଦେଇଥିଲେ । ଶ୍ରମିକନେତା ବିଶ୍ୱନାଥ ମହାପାତ୍ର ଓ କୃଷକ ନେତା ଗୋଲକ ବିହାରି ମୁଦୁଲିଙ୍କ ନେତୃତ୍ୱରେ କୋଭିଡ ନିୟମ ଅନୁପାଳନ ପୂର୍ବକ ନୟାଗଡ଼ ଜିଳ୍ଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । କୃଷକ ବିରୋଧୀ କଳା ଆଇନ ଗୁଡ଼ିକର ପ୍ରତ୍ୟାହାର ଦାବିରେ ଲକ୍ଷ ଲକ୍ଷ କୃଷକ ଦୀର୍ଘ ଛଅମାସ ହେଲା ଦିଲ୍ଲୀ ରାଜପଥରେ ବସି ରହିଥିଲେ ସୁଦ୍ଧା କେନ୍ଦ୍ରର ମୋଦୀ ସରକାର ଅଦାନୀ ଆତ୍ମାନୀ ଭଳି କର୍ପୋରେଟ ମାଲିକଙ୍କ ସ୍ୱାର୍ଥରେ କୃଷିବ୍ୟବସ୍ଥାକୁ ସମ୍ପୂର୍ଣ୍ଣ ଘରୋଇ କରଣ କରିବାକୁ ଏକ ମୁହାଁ ହୋଇ ଅ । ଭିଡ଼ିଛିନ୍ତି । ଏହା ଗଣତାନ୍ତ୍ରିକ ଭାରତବର୍ଷରେ ଚରମ ଏକଛତ୍ରବାଦର ନମୁନା ବୋଲି ବିକ୍ଷୋଭ କାରୀମାନେ ପ୍ରକାଶ କରିଛନ୍ତି । ଅନ୍ୟମାନଙ୍କ ମଧ୍ୟରେ ଶ୍ରମିକତା ପବିତ୍ର ଇନ୍ଦ୍ରଜିତ, ମୂଲିଆନେତା ବୁଦ୍ଧି ନାୟକ, ଯୁବନେତା ସରୋଜ ନାୟକ, କୃଷକନେତା ଭାଗିରଥୀ ସ୍ୱାଇଁ ଓ ନାରୀନେତା ଜ୍ୟୋତିପ୍ରଭା ଜେନା ପ୍ରମୁଖ ନେତୃତ୍ୱ ନେଇଥିଲେ । ଅନୁରୂପଭାବେ ଶରଣକୁଳ ବଜାରରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
