ଭୁବନେଶ୍ୱର, (ବାଘୁଆବାର୍ତ୍ତା): ପୂରା ଦେଶ ଏବେ କରୋନା ମହାମାରୀ ସହ ଲଢୁଛନ୍ତି । ନେତାଙ୍କଠାରୁ ଆରମ୍ଭ କରି ଅଭିନେତା ପର୍ଯ୍ୟନ୍ତ କରୋନା କବଳରେ ଆସିସାରିଛନ୍ତି । ଅନେକ ସେଲିବ୍ରେଟ୍ କରୋନା ଭାଇରସ ଦ୍ୱାରା ସଂକ୍ରମିତ ହୋଇଛନ୍ତି । ଟିଭି ଶୋ ‘ନାଗିନ୍’ ରେ ଅଭିନୟ କରିଥିବା ଅଭିନେତ୍ରୀ କାଜଲ ପିସଲ ବର୍ତ୍ତମାନ ସମୟରେ ବହୁତ ଖରାପ ସମୟଦେଇ ଗତି କରୁଛନ୍ତି । ନିକଟରେ ସେ କରୋନା ସଂକ୍ରମିତ ହୋଇଥିଲେ, ଯାହା ପରେ ତାଙ୍କ ଅବସ୍ଥା ବିଗିଡ଼ି ଯାଇଥିଲା । ଯଦିଓ, ମୁଁ ବର୍ତ୍ତମାନ ସୁସ୍ଥ ଅଛି, କିନ୍ତୁ ତଥାପି ବହୁତ ଦୁର୍ବଳତା ଅନୁଭବ କରୁଛି । ଏହି ସମୟ ମୋ ପାଇଁ ଏତେ କଷ୍ଟଦାୟକ ହୋଇପଡ଼ିଥିଲା ଯେ, ମୋତେ ଲାଗୁଥିଲା କି ମୁଁ ମୃତ୍ୟୁକୁ ଅତି ପାଖରୁ ଦେଖୁଛି ।’ କାଜଲ ପିସଲ ବର୍ତ୍ତମାନ ତାଙ୍କ ପରିବାରଠାରୁ ଦୂରରେ ଅଛନ୍ତି । ସେମାନେ ଅଲଗା ଅଛନ୍ତି । କାଜଲ କହିଛନ୍ତି ଯେ ସେ ତାଙ୍କ ସ୍ୱାମୀ ଏବଂ ଝିଅଠାରୁ ଦୂରରେ ରହି ଦୁଃଖିତ ଅଛନ୍ତି । ନିଜ ଅଭିଜ୍ଞତା ବାଣ୍ଟିବାବେଳେ କାଜଲ ଅନ୍ୟମାନଙ୍କୁ ମଧ୍ୟ ନିବେଦନ କରିଛନ୍ତି । କରୋନାକୁ ହାଲୁକା ଭାବେ ନ ନେବାକୁ ସେ ପରାମର୍ଶ ଦେଇଛନ୍ତି । ଅଭିନେତ୍ରୀ କହିଛନ୍ତି ଯେ ‘ମୁଁ ମୃତ୍ୟୁକୁ ଅତି ନିକଟରୁ ଦେଖିଛି । ଯେଉଁମାନେ ଭାବୁଛନ୍ତି ଯେ କରୋନା ଅତି ସାଧାରଣ ରୋଗ, କ୍ୱାରେଣ୍ଟାଇନ୍ରେ ରହିଲେ ପରେ ଭଲ ହୋଇଯିବ, ତା’ପରେ ବି ମୁଁ ସେମାନଙ୍କୁ କହିବାକୁ ଚାହେଁ ଯେଉଁମାନେ ଏପରି ଭାବୁଛନ୍ତି ତାହାକୁ ସେତେଟା ହାଲୁକା ଭାବରେ ଗ୍ରହଣ କରନ୍ତୁ ନାହିଁ । ଏହା ଅତ୍ୟନ୍ତ ଭୟାନକ । ମୁଁ ଲୋକଙ୍କୁ ଅନୁରୋଧ କରୁଛି ଯେ କରୋନାର ଯନ୍ତ୍ରଣାକୁ ବୁଝନ୍ତୁ ଏବଂ ନିଜ ଯତ୍ନ ନିଅନ୍ତୁ ।’
