ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଟାଉନଥାନା ପୁଲିସ ଚାକିରି ଦେବା ନଁରେ ଠକେଇ କରିଥିବା ଜଣେ ଯୁବକକୁ ଗିରଫ କରିଛି। ଗିରଫ ଯୁବକ ନୟାଗଡ଼ ଡିଏଫ୍ଓଙ୍କ ବାସଭବନ ନିକଟସ୍ଥ ଅମୂଲ୍ୟ କୁମାର ବାଇଙ୍କ ପୁଅ ମାନସ କୁମାର ବାଇ। ସେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚାକିରି କରାଇ ଦେବା ନାଁରେ ଠକେଇ କରିଥିବା ଅଭିଯୋଗ ହୋଇଛି। ରାଣୀପଡ଼ା ଗ୍ରାମର ମଞ୍ଜୁଲତା ସାହୁଙ୍କଠାରୁ ଚାକିରି କରାଇ ଦେବା ପାଇଁ ୯୭ ହଜାର ୭୦୦ ଟଙ୍କା ବିଭିନ୍ନ ସମୟରେ ନେଇଥିଲେ। ଚାକିରି ଦୂରର କଥା ଟଙ୍କା ମଧ୍ୟ ଫେରାଉ ନଥିଲେ। ଏନେଇ ଅଭିଯୋଗ ପରେ ପୁଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ନୟାଗଡ଼ରେ ଅନେକ ଦଲାଲ ଚାକିରୀ କରାଇ ଦେବାକୁ କହି ଠକେଇ କରିଥିବା ଅଭିଯୋଗ ହେଉଛି। ପୁଲିସ ଏ ସବୁ ପ୍ରତି ଧ୍ୟାନ ଦେବା ଆବଶ୍ୟକ ବୋଲି ମତ ପ୍ରକାଶ ପାଇଛି।
