ଜିଲ୍ଲାର ବିଭିନ୍ନ ସ୍ଥାନରେ ଧାନମଣ୍ଡି ଉଦ୍ଘାଟିତ

ନୟାଗଡ଼, (ବାଘୁଆବାର୍ତ୍ତା) : ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ତଥା ଜିଲ୍ଲା ପ୍ରଶାସନର ନିଷ୍ପତ୍ତି ମୁତାବକ ଆଜି ଜିଲ୍ଲାର ବିଭିନ୍ନ ସ୍ଥାନରେ କୋଡ଼ିଏରୁ ଉର୍ଦ୍ଧ ଧାନ ମଣ୍ଡି ଉଦ୍ଘାଟିତି ହୋଇଯାଇଛି । ଜିଲ୍ଲା ଯୋଗାଣ ବିଭାଗ, ନିୟନ୍ତ୍ରୀତ ବଜାର କମିଟି ଏବଂ ଏଆରସିଏସର ମିଳିତ ଉଦ୍ୟମରେ ଏହି ଧାନମଣ୍ଡି ଉଦ୍ଘାଟନି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ନୟାଗଡ଼ ସଦର ମହକୁମା ସମେତ, ଜେମାଦେଇପୁର, ଅଶ୍ୱସ୍ଥପଡ଼ା, ଡିଆଁପଡ଼ା, ମାଛିପଡ଼ା ସେବା ସମବାୟ ସମିତି, ଗୋବିନ୍ଦପୁର, ବାଲୁଗାଁ, କାଳିକାପ୍ରସାଦ ପ୍ରଭୃତି ଅଂଚଳରେ ଧାନମଣ୍ଡି ଆରମ୍ଭ ହୋଇଛି । ସେହିଭଳି ଖଣ୍ଡପଡ଼ା, ସମେତ ବଡ଼ପୁଟ ଅଂଚଳରେ ଧାନମଣ୍ଡି ଉଦ୍ଘାଟିତ ହୋଇଛି । ଏହି କାର୍ଯ୍ୟକ୍ରମରେ ଏଆରସିଏସ ଅଧିକାରୀ, ଆରଏମସି ସଂପାଦକ ଭାସ୍କର ଚନ୍ଦ୍ର ପାଣିଗ୍ରାହୀ, ଜିଲ୍ଲା ଯୋଗାଣ ବିଭାଗର ଅଧିକାରୀ, ସଂପୃକ୍ତ ସମବାୟ ସମିତି ସଭାପତି ଓ ସଂପାଦକ ଯୋଗ ଦେଇଥିଲେ । ଆଜିଠାରୁ ଏହି ଧାନମଣ୍ଡି ମାନଙ୍କରେ ଧାନକ୍ରୟ ଆରମ୍ଭ କରାଯାଇଛି ।