ଜବତ ହେଲା କୋଟି କୋଟି ଟଙ୍କାର ସୁନା, କେହି ନାହାନ୍ତି ଦାବିଦାର

ନୋଏଡା, (ବାଘୁଆବାର୍ତ୍ତା): ଉତ୍ତରପ୍ରଦେଶର ନୋଏଡ଼ାରେ ପୋଲିସ ଏକ ଦଶ ମାସ ପୁରୁଣା ଚୋରିର ଖୁଲାସା କରିଛି । ସହର ପାଖରେ ଥିବା ଏକ ସୋସାଇଟିରୁ ଚୋରମାନେ ହଜାର ବା ଲକ୍ଷ ନୁହେଁ ବରଂ କୋଟି କୋଟି ଟଙ୍କାର ସୁନା ଏବଂ ବିଭିନ୍ନ ଦସ୍ତାବିଜ ଚୋରି କରିନେଇଥିଲେ । କୁହାଯାଉଛି ଯେ ଚୋର ମାନେ ଯେଉଁ ଧନ ସବୁ ଚୋରାଇ ଥିଲେ ସେଗୁଡିକ ସବୁ କଳାଧନ । ସବୁଠାରୁ ଆଶ୍ଚର୍ୟ୍ୟର କଥା ହେଉଛି କି ଏତେ ଟଙ୍କାର ସୁନା ଚୋରି ହେଲା ପରେ ବି ଥାନାରେ କେହି ମାମଲା ଦାଏର କରିନଥିଲେ । ବର୍ତ୍ତମାନ ନୋଏଡ଼ା ପୋଲିସ ବହୁତ କଷ୍ଟରେ ଯେତେବେଳେ ଏହି କୋଟି କୋଟି ଟଙ୍କାର ଚୋରି ମାଲକୁ ଧରିଛି ସେତେବେଳେ ମଧ୍ୟ ଏହାକୁ ଦାବି କରିବାକୁ କେହି ଆସୁନାହାନ୍ତି । ପୋଲିସ ଏହି ମାମଲାର ସୂଚନା ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ଏବଂ ଆୟାକର ବିଭାଗକୁ ଦେଇଛି । ଏହି ମାମଲା ସେପ୍ଟେମ୍ବର ୨୦୨୦ରେ ହୋଇଥିଲା । ଏହା ଗ୍ରେଟର ନୋଇଡ଼ାର ସୁରଜପୁରର ସିଲଭର ସିଟି ସୋସାଇଟି, ଡେଲଟା ୧ ଫ୍ଲାଟରୁ ଦଶ ଜଣ ଚୋର ମିଶି ଯୋଜନା କରି ଚୋରି କରିଥିଲେ । ଏହା ସେହି ଅଞ୍ଚଳର ଏକ ବଡ଼ ଚୋରି । କାରଣ ଏଥିରେ ଚୋରମାନେ କୋଟି କୋଟି ଟଙ୍କାର ସୁନା, ସୁନା ବିସ୍କୁଟ, ୨ ପ୍ରପାର୍ଟିର ଦସ୍ତାବିଜ ଚୋରି କରି ନେଇଥିଲେ । କେହି ଏଫଆଇଆର ଦାଏର ନକରିଥିବା କାରଣରୁ ପୋଲିସ ମଧ୍ୟ କୌଣସି କେସ ରୁଜୁ କରିନଥିବା ଜଣାପଡିଛି ।