ଜୁଲାଇ ୨୦ରୁ ଆରମ୍ଭ ହେବ ଜେଇ ମେନ୍ ପରୀକ୍ଷା: ତାରିଖ ହେଲା ଘୋଷଣା

ନୂଆଦିଲ୍ଲୀ, (ବାଘୁଆବାର୍ତ୍ତା): ପରୀକ୍ଷା ପାଇଁ ପ୍ରତୀକ୍ଷାର ଅନ୍ତ ଘଟିଲା । ଘୋଷଣା ହେଲା ଜେଇ ମେନ୍ ପରୀକ୍ଷା ତାରିଖ । ଜେଇ ମେନ୍ ପରୀକ୍ଷା ହେବାକୁ ଥିବାବେଳେ ମହାମାରୀ କୋଭିଡ୍-୧୯କୁ ଦୃଷ୍ଟିରେ ପାଇଁ ଗତ ଏପ୍ରିଲ୍ ଓ ମେ ମାସରେ ସ୍ଥଗିତ ରଖାଯାଇଥିଲା । ତେବେ ଆସନ୍ତା ଜୁଲାଇ ଓ ଅଗଷ୍ଟ ମାସରେ ପରୀକ୍ଷା ଅନୁଷ୍ଠିତ ହେବା ନେଇ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୟାଲ୍ ନିଶ ଘୋଷଣା କରିଛନ୍ତି । ଜେଇ ମେନ୍ ପରୀକ୍ଷା ତୃତୀୟ ସେସନ୍ ଜୁଲାଇ ୨୦ରୁ ୨୫ତାରିଖ ଯାଏଁ ଏବଂ ୪ର୍ଥ ସିଜିନ୍ ଜୁଲାଇ ୨୭ରୁ ଅଗଷ୍ଟ ୨ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ବୋଲି ଆଜି ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ ।