ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ୯ରେ ପହଞ୍ଚିଛି କରୋନା ପଜେଟିଭ୍ ସଂଖ୍ୟା । ଜିଲ୍ଲାରେ ପ୍ରଥମ ଦିନରେ ଜଣେ କରୋନା ପଜେଟିଭ୍ ବାହାରିଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୩ଜଣ ଏବଂ ତୃତୀୟ ପର୍ଯ୍ୟାୟରେ ଆଉ ଦୁଇଜଣଙ୍କର କରୋନା ପଜେଟିଭ୍ ଚିହ୍ନଟ ହୋଇଥିଲା । ଚତୁର୍ଥ ପର୍ଯ୍ୟାୟରେ ଆଉ ୩ଜଣଙ୍କର କରୋନା ପଜେଟିଭ୍ ଚିହ୍ନଟ ହୋଇଥିବା ବେଳେ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୯ରେ ପହଞ୍ଚିଛି । ସମସ୍ତ ୯ ଆକ୍ରାନ୍ତ ରାଜ୍ୟ ଫେରନ୍ତା ବୋଲି ଜଣାପଡିଛି । ସମସ୍ତଙ୍କୁ କ୍ୱାରେଣ୍ଟାଇନ୍ ଗୃହରୁ ଚିହ୍ନଟ କରାଯାଇଛି । ନୂତନ ୩ କଜେଟିଭ୍ ବାହାରିଥିବା ଗଣିଆ କଲେଜ କ୍ୱାରେଣ୍ଟାଇନ୍ ସେଣ୍ଟରରୁ ବୋଲି ଜଣାପଡ଼ିଛି । ସେମାନେ ସମସ୍ତେ ପୁରୁଷ । ସେମାନଙ୍କ ବୟସ ଯଥାକ୍ରମେ ୩୧, ୪୭ ଓ ୪୮ ବୋଲି ଜଣାପଡିଛି । ଗୁଜୁରାଟର ଅହମ୍ମଦାବାଦରୁ ସେମାନେ ଫେରିଥିଲେ । ପ୍ରଶାସନର ଦୃଢ଼ ପଦକ୍ଷେପ ଯୋଗୁଁ ସେମାନଙ୍କୁ କ୍ୱାରେଣ୍ଟାଇନ୍ରେ ରଖାଯାଇଥିଲା । ସମସ୍ତ ୯ କରୋନା ଏବେ ଭୁବନେଶ୍ୱରରେ ଚିକିତ୍ସିତ ହେଉଛନ୍ତି । ସୂଚନାଅନୁସାରେ ଜିଲ୍ଲାର ସମସ୍ତ ୯ କରୋନା ସଂକ୍ରମିତ ରାଜ୍ୟ ଫେରନ୍ତା ବୋଲି ଜଣାପଡିଛି ।
