ଜମ୍ମୁ କାଶ୍ମୀର, (ବାଘୁଆବାର୍ତ୍ତା): ଜମ୍ମୁ କାଶ୍ମୀରର ସୁରକ୍ଷାକର୍ମୀକୁ ମିଳିଛି ବଡ଼ ସଫଳତା । ଉଭୟ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହି ଗୁଳିବିନିମୟ ସମୟରେ ୩ ଆତଙ୍କବାଦୀ ଫସି ରହିଥିଲେ । ହେଲେ ପରେ ଏହି ୩ଜଣ ଆତଙ୍କବାଦୀଙ୍କୁ ମାରି ଦିଆଯାଇଥିବା ସୂଚନା ମିଳିଛି । ସୂଚନାନୁସାରେ, ଜମ୍ମୁ କାଶ୍ମୀରର ଅନନ୍ତନାଗର ଅଞ୍ଚଳର ବେଲୁରେ ଆତଙ୍କବାଦୀ ପସି ବଡ଼ ଧରଣର ବିସ୍ପୋରଣ କରିବା ସଜବାଜ ହେଉଥିବା ବିଶେଷ ସୁତ୍ରରୁ ସୁରକ୍ଷାକର୍ମୀମାନେ ଖବର ପାଇ ଉକ୍ତ ଅଞ୍ଚଳରେ କମ୍ବିଂ ଅପରେସନ କରାଯାଇଥିଲା । କମ୍ବିଂ ବେଳେ ଆତଙ୍କବାଦୀଙ୍କ ପକ୍ଷରୁ ଗୁଳି ଚଳାଇବା ପରେ ଭାରତ୍ୟୀ ସୁରକ୍ଷା କର୍ମୀ ଏହାର ଜବାବ୍ ଦେଇଥିଲେ । ଗୁଳିବିନିମୟରେ ୩ଜଣ ଆତଙ୍କବାଦୀ ଉକ୍ତ ଅଞ୍ଚଳରେ ଫସି ରହିଥିଲେ । ପରେ ସୁରକ୍ଷାକର୍ମୀଙ୍କ ଗୁଳିରେ ନିହତ ହୋଇଥିଲେ । ଆତଙ୍କବାଦୀଙ୍କ ଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଏହା ସହିତ ପୁଞ୍ଚରେ ସୁରକ୍ଷାକର୍ମୀମାନେ ଆତଙ୍କବାଦୀଙ୍କ ଆଡ୍ଡାରୁ ୧୯ ହ୍ୟାଣ୍ଡ ଗ୍ରେନେଡ୍ ଜବତ କରିଯାଇଥିବା ନେଇ ଜମ୍ମୁ କାଶ୍ମୀରର ଆଇଜିପି ସୂଚନା ଦେଇଛନ୍ତି ।
