ଖଣ୍ଡପଡା, (ବାଘୁଆବାର୍ତ୍ତା) : ଲୋକପ୍ରିୟ ଦରଦୀ ଜନନେତା ସ୍ୱର୍ଗତ ଅରୁଣ ପଟ୍ଟନାୟକଙ୍କ ୨୪ତମ ଶ୍ରାଦ୍ଧ ବାର୍ଷିକ ଉପଲକ୍ଷେ ଏକ ଶ୍ରଦ୍ଧାଞ୍ଜଳୀ ସଭା ଖଣ୍ଡପଠା ଅରୁଣ ନିବାସ ପରିସରରେ ଶନିବାର ଅନୁଷ୍ଠିତ ହୋଇଯାଇଛି । ଶ୍ରଦ୍ଧାଞ୍ଜଳୀ ସଭାରେ ବହୁ ଅରୁଣପ୍ରେମୀ ଜନସାଧାରଣ, ମାନ୍ୟଗଣ୍ୟ ବ୍ୟକ୍ତିବିଶେଷ ଉପସ୍ଥିତ ରହି ଅରୁଣ ବାବୁଙ୍କ ସ୍ମୃତି ଚାରଣ କରିଥିଲେ । ମୁଖ୍ୟ ଅତିଥି ରୁପେ ବରିଷ୍ଠ ସାମ୍ବାଦିକ ତଥା ରୋଟାରିଆନ ପ୍ରମୋଦ କୁମାର ପଟ୍ଟନାୟକ ଓ ମୁଖ୍ୟବକ୍ତା ରୁପେ ବିଶିଷ୍ଟ ଶିକ୍ଷାବିତ୍ ଡଃ ଗଣେଶ୍ୱର ସ୍ୱାଇଁ ଯୋଗଦେଇଥିଲେ । ଅତିଥିମାନେ ପ୍ରଦୀପ ପ୍ରଜ୍ୱଳନ କରିବା ପରେ ଶ୍ରଦ୍ଧାଞ୍ଜଳୀ ସଭାରେ ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିମାନେ ଅରୁଣ ବାବୁଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାସୁମନ ଜ୍ଞାପନ କରିଥିଲେ । ଖଣ୍ଡପଡ଼ାର ପୂର୍ବତନ ବିଧାୟକ ଅରୁଣ ଥିଲେ ଜଣେ ଦରଦୀ ଜନନେତା, ଏବେବି ନିର୍ବାଚନମଣ୍ଡଳୀବାସୀ ତାଙ୍କୁ ଝୁରୁଛନ୍ତି ଓ ଚିରଦିନ ପାଇଁ ତାଙ୍କୁ ଝୁରୁଥିବେ ବୋଲି ଗଣ୍ୟମାନ୍ୟ ବ୍ୟକ୍ତିମାନେ ମତ ଦେଇଥିଲେ । ସାମ୍ବାଦିକ ବିନାୟକ ମିଶ୍ର କାର୍ଯ୍ୟକ୍ରମରେ ସଭାପତିତ୍ୱ କରିଥିବା ବେଳେ ଅରୁଣ ପଟ୍ଟନାୟକ ସ୍ମୃତି ପରିଷଦର ସଭାପତି ବସନ୍ତ କୁମାର ନାୟକ ଧନ୍ୟବାଦ ଦେଇଥିଲେ । ଉତ୍ସବର ପ୍ରାରମ୍ଭରେ ଖଣ୍ଡପଡା ସହରର ପ୍ରଖ୍ୟାତ କଣ୍ଠଶିଳ୍ପୀ ଭୀକାରୀ ମହମ୍ମଦ ସ୍ୱାଗତ ସଙ୍ଗୀତ ଗାନ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ଅଧ୍ୟକ୍ଷା ବୈଜୟନ୍ତୀବାଳା ମହାନ୍ତି, ରାଜ୍ୟ ସମବାୟ ବ୍ୟାଙ୍କ ନିର୍ଦ୍ଦେଶକ ପ୍ରଫୁଲ୍ଲ କୁମାର ନାୟକ, ଯୁବ ସଂଗଠକ ତଥା ସମାଜସେବୀ ବିଜୟ କୁମାର ନନ୍ଦ, ସନ୍ତୋଷ କୁମାର ତ୍ରୀପାଠୀ, କଂଟିଲୋ କଂସାରୀ ସମାଜର ସଭାପତି ଅଖିଳ କୁମାର ମହାରଣା, କିଆଝର ସରପଂଚ ଚନ୍ଦ୍ରକାନ୍ତ ବଳିୟାର ସିଂ, ପୂର୍ବତନ ସରପଂଚ ସୁକାନ୍ତି ଜେନା, କୋସକା ସରପଂଚ କୃଷ୍ଣଚନ୍ଦ୍ର ସାହୁ, ସରକାରୀ ଓକିଲ ହରିଶ୍ଚନ୍ଦ୍ର ପ୍ରଧାନ, ସନାତନ ଷଡଙ୍ଗୀଙ୍କ ସମେତ ବହୁ ବ୍ୟକ୍ତିବିଶେଷ ଶ୍ରଦ୍ଧାଞ୍ଜଳୀ ସଭାରେ ଉପସ୍ଥିତ ରହି ଅରୁଣ ବାବୁଙ୍କ କାର୍ଯ୍ୟଦକ୍ଷତା ଉପରେ ଆଲୋକପାତ କରିଥିଲେ । ସେହିପରି ଖଣ୍ଡପଡା ନିର୍ବାଚନମଣ୍ଡଳୀର ୪୨ଟି ପଚାଂୟତରେ ଅରୁଣବାବୁଙ୍କ ଶ୍ରାଦ୍ଧଉତ୍ସବ ପାଳିତ ହୋଇଯାଇଛି ।
