ନୟାଗଡ଼, (ବାଘୁଆବାର୍ତ୍ତା): ଦୁଇଦିନ ଧରି ସରସ୍ଵତୀ ଶିଶୁ ବିଦ୍ୟାମନ୍ଦିର, ଇଟାମାଟି ଠାରେ ବିଦ୍ୟାଳୟ ସ୍ତରୀୟ ବାର୍ଷିକ କ୍ରୀଡା ଅନୁଷ୍ଠିତ କରାଯାଇଛି । କ୍ରୀଡା ସମ୍ପାଦକ ରଜନୀ କାନ୍ତ ମିଶ୍ରଙ୍କ ମାର୍ଗଦର୍ଶନ ରେ କରଯାଇଥିଲା । ଏହି କ୍ରୀଡା କୁ ବିଦ୍ୟାଳୟର ସଭାପତି ଅଭିମନ୍ୟୁ ନାୟକଙ୍କ ଦ୍ଵାରା ଉଦ୍ଘାଟନ କରାଯାଇଥିଲା । ଏହି କ୍ରୀଡ଼ାରେ ମୋଟ ୩୭୦ ଜଣ ଶିଶୁ ଭାଇଭଉଣୀ ଯୋଗ ଦେଇଥିଲେ । ଶିଶୁବାଟିକା ବିଭାଗର କ୍ରୀଡା ସ୍ଵତନ୍ତ୍ର ଭାବରେ ଶିଶୁବାଟିକା ପ୍ରମୁଖ ଟୁନି ଗୁରୁମା ଙ୍କ ତତ୍ତ୍ଵାବଧାନରେ କରାଯାଇଥିଲା । ଶିଶୁବାଟିକା ବିଭାଗର ୧୦୨ ଜଣ ଶିଶୁ ମାନଙ୍କ ମଧ୍ୟରୁ ୯୦ ଜଣ ଶିଶୁ ଭାଇଭଉଣୀ ଉପସ୍ଥିତ ଥିଲେ। ଶିଶୁ ପ୍ରାରମ୍ଭ ଶ୍ରେଣୀ ଶିଶୁ ଭାଇଭଉଣୀ ଅଖା ଦୌଡ , ବଲ୍ ଫିଙ୍ଗା ,ଜାତୀୟ ପତାକା ଦୌଡ ରେ ଭାଗ ନେଇଥିଲେ । ଶିଶୁ ବୋଧ ଶ୍ରେଣୀ ଭାଇଭଉଣୀ ଅଖା ଦୌଡ଼,ଜାତୀୟ ପତାକା, ବେଙ୍ଗଡ଼ିଆଁ ଖେଳରେ ଭାଗ ନେଇଥିଲେ ।ଏହି ଖେଳ ଶିଶୁବାଟିକା ମମତା ଗୁରୁମା ଓ ସେଵିକା କାଞ୍ଚନ ଭଉଣୀଙ୍କ ସହଯୋଗ ରେ ସମାପ୍ତ କରାଯାଇଥିଲା । ସମସ୍ତ ଶିଶୁ ଭାଇଭଉଣୀ ଙ୍କୁ ସାନ୍ତ୍ଵନାମୂଳକ ପୁରସ୍କାର ପ୍ରଦାନ କରାଯାଇଥିଲା। ଏହି କ୍ରୀଡ଼ାରେ ପ୍ରାରମ୍ଭିକ ବର୍ଗ ( ୧ମ, ୨ୟ) ୩୦ ମିଟର ସୂତା ଛୁଞ୍ଚି , ଆଳୁ ଚାମଚ, ଅଙ୍କ ଦୌଡ଼ ଶିଶୁ ବର୍ଗ ( ୩ୟ, ୪ର୍ଥ, ୫ମ ) ୧୦୦,୨୦୦,୪୦୦ ମିଟର ଦୌଡ଼,ଲମ୍ବା ଡ଼ିଆଁ, ଉଚ୍ଚ ଡ଼ିଆଁ, ଗୋଳାଫିଙ୍ଗା, । ବାଲ୍ ବର୍ଗ ( ୬ଷ୍ଠ, ୭ମ,୮ ମ ) ୧୦୦,୨୦୦,୪୦୦,୬୦୦ ମିଟର ଦୌଡ଼,ଲମ୍ବ ଡ଼ିଆଁ,ଉଚ୍ଚ ଡ଼ିଆଁ,ଗୋଳା ଫିଙ୍ଗା ଓ ଥାଳିଆ ଫିଙ୍ଗା ,କିଶୋର ବର୍ଗ( ୯ମ, ୧୦ମ) ଶ୍ରେଣୀ ୧୦୦,୨୦୦,୪୦୦,୮୦୦,୧୫୦୦ ମିଟର ଦୌଡ଼,ଉଚ୍ଚ ଡ଼ିଆଁ,ଗୋଳା ଫିଙ୍ଗା, ଥାଳିଆ ଫିଙ୍ଗା, ବର୍ଚ୍ଛା ଫିଙ୍ଗା ଇତ୍ୟାଦି ଖେଳ କରାଯାଇଥିଲା । ଏହି ବାର୍ଷିକ କ୍ରୀଡା ବିଦ୍ୟାଳୟ ର କ୍ରୀଡା ସହ ପ୍ରମୁଖ ସୁରେଶ ଗୁରୁଜୀଙ୍କ ତତ୍ତ୍ଵାବଧାନରେ କରାଯାଇଥିଲା।ବିଦ୍ୟାଳୟର ଯୁଗ୍ମ ସମ୍ପାଦକ ଶ୍ରୀଯୁକ୍ତ ଅଶୋକ ରଥ ଙ୍କ କର କମଳରେ ସମାରୋପ କାର୍ଯ୍ୟ କରାଯାଇଥିଲା । ବିଦ୍ୟାଳୟ ର ପରିଚାଳନା ସେମିତି, ପ୍ରଧାନ ଆଚାର୍ଯ୍ୟ ,ସମସ୍ତ ଗୁରୁଜୀ , ଗୁରୁମା , ସେବକ ସେବିକା ଙ୍କ ସହଯୋଗ ରେ ଏହି ବାର୍ଷିକ କ୍ରୀଡା ସମାପ୍ତ କରାଯାଇଥିଲା ।
ଇଟାମାଟି ସରସ୍ୱତୀ ଶିଶୁ ବିଦ୍ୟା ମନ୍ଦିରର ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ
