ଇଟାମାଟି କପ୍ ଫୁଟବଲ ଟୂର୍ଣ୍ଣାମେଣ୍ଟ ; ଫାଇନାଲରେ ପ୍ରବେଶ କଲା ଇଟାମାଟି

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଇଟାମାଟି ବାମନ ଅବକାଶ ହାଇସ୍କୁଲ ପରିସରରେ ହେଉଥିବା ଯଦୁମଣି ଆଥଲେଟିକ୍ ଆସୋସିଏନ୍ ଆନୁକୂଲ୍ୟରେ ଇଟାମାଟି କପ୍ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ପ୍ରଥମ ସେମିଫାଇନାଲରେ ୟୂପିଏ, ଭୁବନେଶ୍ୱର ସହିତ ଯଦୁମଣି ସ୍ପୋର୍ଟସ କ୍ଲବ ଇଟାମାଟି ମଧ୍ୟରେ ଅନୁଷ୍ଠିତ ହୋଇଥିଲା । ଯଦୁମଣି ସ୍ପୋର୍ଟସ କ୍ଲବ ଇଟାମାଟି ତା’ର ପ୍ରତିଦ୍ୱନ୍ଦି ୟୂପିଏ କ୍ଲବ୍ ଭୁବନେଶ୍ୱର ଉପରେ ୩-୧ଗୋଲ ଦେଇ ଫାଇନଲାରେ ପ୍ରବେଶ କରିଛି । ସମାଜସେବୀ ପ୍ରମୋଦ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ଆଜି କାର୍ଯ୍ୟକ୍ରମକୁ ଉଦ୍ଘାଟନ କରିଥିବା ବେଳେ ଅନ୍ୟତମ ଅତିଥି ଭାବେ ଏଆରସିଏସ ଭାସ୍କର ପାଣିଗ୍ରାହୀ ଓ ଇଟାମାଟି ଥାନା ଅଧିକାରୀ ଦୀପକ ଖଣ୍ଡାୟତରାୟ ଯୋଗ ଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଯଦୁମଣି ସ୍ପୋର୍ଟସ କ୍ଲବର ୧୦ନଂ ଜର୍ସି ଖେଳାଳୀ ସୁଶାନ୍ତ କୁମାର ବେହେରା ମ୍ୟାଚରେ ଭଲ ପ୍ରଦର୍ଶନ କରି ମ୍ୟାନ ଅଫ୍ ଦ ମ୍ୟାଚ ବିବେଚିତ ହୋଇଥିଲେ । ଆଜିର ମ୍ୟାଚକୁ ମୁଖ୍ୟ ରେଫରୀ ରାଜୁ ମହାନ୍ତିଙ୍କ ସହିତ ସହକାରୀ ରେଫରୀ ପ୍ରିୟ ବାହିନୀପତି, ପ୍ରଶନ୍ନ ନାୟକ ଓ ବିଦେଶୀ ନାୟକ ଖେଳକୁ ପରିଚାଳନା କରିଥିଲେ ।