ବଲାଙ୍ଗୀର, (ବାଘୁଆବାର୍ତ୍ତା): IT ରେଡ୍ ନେଇ ଏସବିଆଇ ବ୍ୟାଙ୍କ ରିଜିଓନାଲ ମ୍ୟାନେଜରଙ୍କ ପ୍ରତିକ୍ରିୟା । ସେ କହିଛନ୍ତି ପୂର୍ବରୁ ଟଙ୍କା ଗଣତିରେ ୯ଟି ମେସିନ ଲାଗିଥିଲା ତାହା ବଢାଯାଇ ୨୫କୁ ପହଞ୍ଚିଛି । ଏସବିଆଇ ମୁଖ୍ୟ ସହ ଅନ୍ୟ ବ୍ରାଞ୍ଚ ଓ ବିଭିନ୍ନ ବ୍ୟାଙ୍କର ୫୦ ଜଣ ଷ୍ଟାପ୍ ଗଣତି କରୁଛନ୍ତି । ପ୍ରଥମେ ୧୫୬ ପରେ ୨୦ ଏବେ ୧୭୬ ବ୍ୟାଗରୁ ୪୦ ବ୍ୟାଗରୁ ୪୬ କୋଟି ଦୁଇ ଦିନ ଭିତରେ ଗଣତି ସରିଛି। ମେସିନ କିଛି ଅସୁବିଧା ହେଲେ ସମ୍ବଲପୁର ଇଞ୍ଜିନିୟର ଆସିକି ଅଛନ୍ତି । ସମସ୍ତ ପ୍ରକାର ମେସିନ ପୁରୁଣା ଟଙ୍କା ପାଇଁ ରଖାଯାଇଛି କିଛି ଅସୁବିଧା ହେଲେ ତାହାକୁ ବ୍ୟବହାର କରାଯିବ। ୨ ଦିନ ଭିତରେ ଟଙ୍କା ଗଣତି ସରିବା ନେଇ ଆଶା । ଏନେଇ ସୂଚନା ଦେଇଛନ୍ତି ଭଗତ ବେହେରା ରିଜିଓନାଲ ମ୍ୟାନେଜର ବଲାଙ୍ଗୀର ମୁଖ୍ୟ ଶାଖା । ମଦ ବ୍ୟବସାୟୀ ତଥା ଝାଡଖଣ୍ଡ କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁ ଓ ତାଙ୍କ ସହଯୋଗୀଙ୍କ ଘରେ ଜାରି ରହିଛି ଆୟକର ବିଭାଗର ଚଢାଉ । ଆଜି ବି ଓଡ଼ିଶା ଓ ଝାଡ଼ଖଣ୍ଡର ବିଭିନ୍ନ ସ୍ଥାନରେ ରେଡ୍ କରୁଛନ୍ତି ଆୟକର ଅଧିକାରୀ । ବଲାଙ୍ଗୀରରେ ପହଂଚିଛି ହାଇଦ୍ରାବାଦର ଆନାଲିସିସ୍ ଟିମ୍ । ଏମାନେ ଚଡାଉ ହେଉଥିବା ସ୍ଥାନରେ କମ୍ପ୍ୟୁଟରର ଯାଂଚ କରିବେ । ଟଙ୍କା ନେଣଦେଣ ତର୍ଜମା କରିବେ । ସେହିପରି ବଡ଼ ଚଢାଉ ପାଇଁ ଆୟକର ବିଭାଗର ୧୫୦ ଜଣ ଅଧିକାରୀ ସାମିଲ ହୋଇଛନ୍ତି । ଏମାନେ ବିଭିନ୍ନ ସ୍ଥାନରେ ଚଢାଉରେ ସାମିଲ ହୋଇଛନ୍ତି । ଶୁକ୍ରବାର ବଲାଙ୍ଗୀର ସୁଦପଡା ମଦଭାଟି ମ୍ୟାନେଜରଙ୍କ ଘରୁ ପୁଳା ପୁଳା ଟଙ୍କା ଜବତ ହୋଇଥିଲା । ଆୟକର ବିଭାଗ ପକ୍ଷରୁ ପୋଲିସ ଉପସ୍ଥିତିରେ ମଦଭାଟି ମ୍ୟାନେଜରଙ୍କ ଘରେ ଚଢାଉ ବେଳେ ପ୍ରାୟ ୫୦ କୋଟି ଟଙ୍କା ଜବତ ହୋଇଛି । କଡା ସୁରକ୍ଷାରେ ଜବତ ଟଙ୍କାକୁ ୧୯ଟି ବ୍ୟାଗ, ପେଟି ଓ ଟିଣ ବାକ୍ସରେ ଭର୍ତି କରି ଏସବିଆଇ ଶାଖାକୁ ନିଆଯାଇଛି । ଟଙ୍କା ପେଟି ବୋହିବାକୁ ୭ରୁ ୮ ଜଣ ଶ୍ରମିକଙ୍କୁ ନିୟୋଜିତ କରାଯାଇଥିଲା । ଟଙ୍କା ଗଣିବା ସମୟରେ ମେସିନ୍ ଅଚଳ ହୋଇଥିବା ଜଣାପଡ଼ିଛି । ସେଥିପାଇଁ ଆୟକର ବିଭାଗ ଅଧିକ ମେସିନ୍ ଓ କର୍ମଚାରୀ ମଗାଇଥିଲା ।





