ଭୁବନେଶ୍ୱର (ବାଘୁଆବାର୍ତ୍ତା): ମାଡି ଆସୁଛି ବାତ୍ୟା ‘ୟସ’ । କରୋନା ମହାମାରୀ ଭିତରେ ବାତ୍ୟା ମୁକାବିଲା ପାଇଁ ସରକାରୀ ସ୍ତରରେ ତତ୍ପରତା ଦେଖିବାକୁ ମିଳିଛି । ଓଡିଶାର ୫ଟି ଜିଲ୍ଲା ‘ୟସ’ ପ୍ରକୋପରେ ସର୍ବାଧିକ ପ୍ରଭାବିତ ବୋଲି ପାଣିପାଗ ବିଭାଗ ଆକଳନ କରିଛି । ବାଲେଶ୍ୱର, ମୟୁରଭଞ୍ଜ, ଭଦ୍ରକ, କେନ୍ଦ୍ରାପଡା ଓ ଜଗତସିଂହପୁର । ପ୍ରବଳରୁ ଅତି ପ୍ରବଳ ବର୍ଷା ସହ ଭୀଷଣ ପବନ ମାଡ ହେବ । ଭାରତୀୟ ପାଣିପାଗ ବିଭାଗ (ଆଇଏମଡି)ର ପୂର୍ବାନୁମାନ ଓ ବାତ୍ୟାର ସମ୍ଭାବ୍ୟ ଗତିପଥ ଚିତ୍ରରୁ ଏଭଳି ଆଶଙ୍କା କରାଯାଉଛି । ଏହା ମୁକାବିଲା ପାଇ ରାଜ୍ୟ ସରକାର ୫ଜଣ ବରିଷ୍ଠ ଆଇପିଏସଙ୍କୁ ୫ ଜିଲ୍ଲା ଦାୟିତ୍ୱ ଦିଆଯାଇଛି । ଶାନ୍ତିଶୃଙ୍ଖଳା ବଜାୟ ରଖିବା ସହିତ ଜନସାଧାରଣ କିପରି ସତର୍କତା ଅବଲମ୍ବନ କରିବେ ଏବଂ ଜିଲ୍ଲା ପୁଲିସର କାର୍ଯ୍ୟକ୍ରମକୁ ତଦାରଖ କରିବେ । ରାଜ୍ୟରେ ‘ୟସ’ ବାତ୍ୟାର ମୁକାବିଲା ନେଇ ୫ ବରିଷ୍ଠ ଆଇପିଏସଙ୍କୁ ୫ଜିଲ୍ଲାର ଦାୟିତ୍ୱ ଦିଆଯାଇଛି । ତେବେ କେନ୍ଦ୍ରାପଡା ଜିଲ୍ଲା ପାଇଁ ଆଇପିଏସ ଜେ.ଏନ.ପଙ୍କଜ, ଜଗତସିଂହପୁର ଜିଲ୍ଳା ପାଇଁ ଆଇପିଏସ ଅମିତାଭ ଠାକୁର, ଭଦ୍ରକ ଜିଲ୍ଲା ପାଇଁ ଆଇପିଏସ ଅମିତେନ୍ଦ୍ର ନାଥ ସିହ୍ନା, ବାଲେଶ୍ୱର ଜିଲ୍ଲା ପାଇଁ ଆଇପିଏସ ଦିପ୍ତେଷ କୁମାର ପଟ୍ଟନାୟକ ଓ ମୟୁରଭଞ୍ଜ ଜିଲ୍ଲା ପାଇଁ ଆଇପିଏସ ଅନିରୁଦ୍ଧ କୁମାର ସିଂ ଙ୍କୁ ଦାୟିତ୍ୱ ଦିଆଯାଇଛି ।
