ନୂଆଦିଲ୍ଲୀ,(ବାଘୁଆବାର୍ତ୍ତା): ଚଳିତ ବର୍ଷ ଇଣ୍ଡିଆଲ ପ୍ରିମିୟର ଲିଗ(ଆଇପିଏଲ) ଆସନ୍ତା ଏପ୍ରିଲ ୯ତାରିଖରୁ ଆରମ୍ଭ ହେବା ନେଇ ସୂଚନା ମିଳିଛି । ଏନେଇ ଆଜି ବିଧିବଦ୍ଧ ଭାବେ ଘୋଷଣା କରିଛି ବିସିସିଆଇ । ଏପ୍ରିଲ ୯ତାରିଖରୁ ଆରମ୍ଭ ହେବାକୁ ଥିବା ଆଇପିଏଲ-୨୦୨୧ ମ୍ୟାଚ ଚେନ୍ନାଇରେ ଉଦଘାଟନୀ ମ୍ୟାଚ ଖେଳାଯିବ । ତେବେ ଉଦଘାଟନୀ ଆଇପିଏଲ ମ୍ୟାଚରେ ମୁମ୍ବାଇ ସହିତ ବାଙ୍ଗାଲୋର ମଧ୍ୟରେ ମୁକାବିଲା ହେବ । ଆପିଏଲ-୨୦୨୧ ଏପ୍ରିଲ ୯ରୁ ଆରମ୍ଭ ହୋଇ ମେ ୩୦ପର୍ଯ୍ୟନ୍ତ ଚାଲିବ । ମେ ୩୦ତାରିଖରେ ଅହମ୍ମଦାବାଦରେ ଫାଇନାଲ ମ୍ୟାଚ ଖେଳାଯିବ । ତେଣୁ ମହାମାରୀ କରୋନା କୋଭିଡ୍-୧୯ ଭାଇରସକୁ ଦୃଷ୍ଟିରେ ରଖି ଆଇପିଏଲ-୨୦୨୧ର ସମସ୍ତ ମ୍ୟାଚ ବିନା ଦର୍ଶକରେ ଖେଳାଯିବା ନେଇ ଆଜି ବିସିସିଆଇ ପକ୍ଷରୁ ସୂଚନା ମିଳିଛି ।
