ନୂଆଦିଲ୍ଲୀ, (ବାଘୁଆବାର୍ତ୍ତା): ଆଫଗାନିସ୍ତାନର ଖେଳ ପ୍ରେମୀମାନଙ୍କୁ ଝଟକା ଦେଇଛି ତାଲିବାନ । ଆଇପିଏଲ-୧୪ ଖେଳ ହେଉଥିବା ବେଳେ କୋଭିଡ୍-୧୯ ପାଇଁ ସିଜିନ୍-୧୪କୁ ମ୍ୟାଚକୁ ସ୍ଥଗିତ ରଖାଯାଇଥିଲା । ପରେ କୋଭିଡ୍ ସ୍ଥିତିରେ ସୁଧାର ଆସିବା ପରେ ଆଇପିଏଲ ସିଜିନ୍-୧୪ ଦ୍ୱିତୀୟ ଫେଜ୍ ମ୍ୟାଚ ୟୁଏଇ ସହରରେ ଆରମ୍ଭ ହୋଇଛି । ଖେଳ ପ୍ରେମୀମାନଙ୍କୁ ଆଇପିଏଲ ମ୍ୟାଚ୍ ଉତ୍ସାହ ଭରି ଦେଇଥିବା ବେଳେ ଆଫଗାନିସ୍ତାନରେ ଏହା ରୋକ୍ ଲାଗିଛି । ଆଫଗାନିସ୍ତାନକୁ ତାଲିବାନ ଦଖଲ କରିବା ପରେ ସେଠାରେ ତାଲିବାନୀ ଶାସନ ଚାଲିଛି। ସେ ଯାହା କହୁଛି ତାହା ହିଁ ହେଉଛି। ଆଫଗାନିସ୍ତାନରେ ଆଇପିଏଲ୍ ମ୍ୟାଚ୍ ପ୍ରସାରଣ ହେବ ନାହିଁ ବୋଲି ଏବେ ତାଲିବାନ ନିଷ୍ପତ୍ତି ନେଇଛି। ସମ୍ଭାବ୍ୟ ‘ଇସ୍ଲାମ-ବିରୋଧୀ ଆଧେୟ’ ଥିବା ଆଶଙ୍କା କରି ଆଫଗାନିସ୍ତାନରେ ‘ଇଣ୍ଡିଆନ୍ ପ୍ରିମିୟର୍ ଲିଗ୍ ୨୦୨୧’ ଟେଲିକାଷ୍ଟ ଉପରେ ରୋକ ଲଗାଯାଇଛି। ମ୍ୟାଚ୍ ସମୟରେ ଚିୟର ଲିଡରଙ୍କ ନାଚିବା ଏବଂ ଷ୍ଟାଡିଅମ ଭତରେ ମହିଳାଙ୍କ ମୁଣ୍ଡ ଢ଼ାଙ୍କି ନବସିବା ଇସ୍ଲାମ ବିରୋଧୀ। ତେଣୁ ତାଲିବାନରେ ଏଭଳି ଭୁଲ ବାର୍ତ୍ତା ନପହଞ୍ଚୁ ବୋଲି ତାଲିବାନ କହିଛି। ତେଣୁ ଆଫଗାନିସ୍ତାନର ଜାତୀୟ ଟିଭି ଏବଂ ରେଡିଓରେ ଆଇପିଏଲ୍ ମ୍ୟାଚ୍ ପ୍ରସାରଣ ହେବ ନାହିଁ। ଆଫଗାନିସ୍ତାନର ଜଣେ ବରିଷ୍ଠ ସାମ୍ବାଦିକ ଏନେଇ ଟୁଇଟ୍ କରି ସୂଚନା ଦେଇଛନ୍ତି। ସୂଚନାନୁସାରେ, ଚଳିତ ଆଇପିଏଲ୍ରେ ଆଫଗାନିସ୍ତାନର ରାଶିଦ ଖାନ୍ ଏବଂ ମହୋମ୍ମଦ ନବି ଭଳି ଖେଳାଳିମାନେ ମଧ୍ୟ ଭାଗ ନେଇଛନ୍ତି। ତାଲିବାନ ଆଫଗାନିସ୍ତାନକୁ କବ୍ଜା କରିବା ବେଳେ ଏହି ଦୁଇ ଖେଳାଳି ଦେଶ ବାହାରେ ଥିଲେ। ବର୍ତ୍ତମାନ ଏହି ଦୁଇ ଖେଳାଳି ୟୁଏଇରେ ଅଛନ୍ତି। ସେପଟେ ପୁରୁଷମାନେ କ୍ରିକେଟ ଖେଳିବା ନେଇ କୌଣସି ଆପତ୍ତି ନଥିବା ପୂର୍ବରୁ ତାଲିବାନ ସ୍ପଷ୍ଟ କରିଛି। କ୍ରୀଡ଼ା ସମେତ ଅଧିକାଂଶ ମନୋରଞ୍ଜନ ଉପରେ ତାଲିବାନ ନିଷେଧାଜ୍ଞା ଜାରି କରିଛି। ଏହା ବ୍ୟତୀତ, ମହିଳାମାନଙ୍କ ପାଇଁ କ୍ରୀଡ଼ା କ୍ଷେତ୍ର ସମ୍ପୂର୍ଣ୍ଣ ନିଷେଧ କରାଯାଇଛି।
ଆଫଗାନିସ୍ତାନରେ ଆଇପିଏଲ ବ୍ୟାନ୍ କଲା ତାଲିବାନ
