ଚେନ୍ନାଇ,(ବାଘୁଆବାର୍ତ୍ତା): ଆଜିଠୁ ଭାରତରେ ଆରମ୍ଭ ହେବ ଆଇପିଏଲ୍ ସିଜିନ୍-୧୪ । ଆଉ କିଛି ଘଣ୍ଟା ପରେ ଚଳିତ ବର୍ଷର ଆଇପିଏଲ୍ ସିଜିନ୍ -୧୪ କ୍ରିକେଟର ଉଦଘାଟନ ମ୍ୟାଚ୍ ଆରମ୍ଭ ହେବ । ଉଦଘାଟନ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ସହିତ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ମ୍ୟାଚ୍ ଆରମ୍ଭ ହେବ । ଆଜିର ଉଦଘାଟନ ମ୍ୟାଚ୍ ଆରମ୍ଭ ହେବା ପୂର୍ବରୁ ମୁମ୍ବାଇ ଇଣ୍ଡିଆନ୍ସ କୁ ବଡ଼ ଝଟକା ଲାଗିଛି । ଗତ ସିଜିନ୍ରେ ମୁମ୍ବାଇ ଇଣ୍ଡିଆନ୍ସର ଅଧୀନାୟକ ରୋହିତ ଶର୍ମାଙ୍କ ସହିତ ଓପେନିଂ କରି ଧମାକା କରିଥିବା ୱିକେଟକିପର ବ୍ୟାଟ୍ସମ୍ୟାନ୍ କ୍ୱିଣ୍ଟନ ଡି’କକ୍ ପ୍ରଥମ ମ୍ୟାଚ୍ ଖେଳିବେ ନାହିଁ । ଏ ନେଇ ମୁମ୍ବାଇ ଇଣ୍ଡିଆନ୍ସ ତା’ର ଅଫିସିଆଲ୍ ୱେବସାଇଟରେ ଏହି ସୂଚନା ଦେଇଛି । ସୁଚାନାନୁସାରେ, ଆଇପିଏଲ୍ କୋଭିଡ଼-୧୯ ଏସଓପି ଅନୁଯାୟୀ ଡି’କକଙ୍କୁ ୭ ଦିନର କ୍ୱାରେଣ୍ଟାଇନ୍ ପିରିୟଡ଼ ଶେଷ କରିବାକୁ ପଡ଼ିବ । ଏଣୁ ଏଥିପାଇଁ ଡି’କକ୍ ମୁମ୍ବାଇ ଇଣ୍ଡିଆନ୍ସର ଉଦଘାଟନୀ ମ୍ୟାଚ୍ ଖେଳି ପାରିବେ ନାହିଁ । ଡି’କକଙ୍କ ଅନୁପସ୍ଥିତିରେ ରୋହିତ ଶର୍ମାଙ୍କ ସହିତ ଓପେନିଂ ପାର୍ଟନର କିଏ ହେବ, ତାହା ସ୍ପଷ୍ଟ ହୋଇ ନାହିଁ ।
