ନୂଆଦିଲ୍ଲୀ, (ବାଘୁଆବାର୍ତ୍ତା): ଭାରତରେ ବାକି ଆଇପିଏଲ ସିଜିନ୍-୧୪ର ମ୍ୟାଚ୍ ପାଇଁ ପୁଣି ଥରେ ବିଗୁଲ୍ ବାଜିଛି । ଆସନ୍ତ ସେପ୍ଟେମ୍ବର ୧୯ତାରିଖରୁ ୟୂଏଇରେ ଆଇପିଏଲ ସିଜିନ୍-୧୪ ବଳକା ଥିବା ମ୍ୟାଚ୍ ଖେଳାଯିବା ନେଇ ଆଜି ତାରିଖ ଘୋଷଣା କରାଯାଇଛି । ଭାରତରେ ଆଇପିଏଲ ସିଜିନ୍-୧୪ ମ୍ୟାଚ୍ ଚାଲିଥିବା ବେଳେ କେତେକ ଦଳର ଖେଳାଳୀମାନଙ୍କୁ କରୋନା ସଂକ୍ରମିତ ହୋଇଥିବାରୁ ସମସ୍ତ ମ୍ୟାଚ୍ ବାତିଲ କରାଯାଇଥିଲା । ତେବେ ବିନା ଦର୍ଶକରେ ପୁଣି ଥରେ ବଳକା ଥିବା ସମସ୍ତ ମ୍ୟାଚ୍ ୟୁଏଇରେ ଖେଳାଯିବା ନେଇ ଆଜି ଉଭୟ ବିସିସିଆଇ ଓ ୟୁଏଇ କ୍ରିକେଟ୍ ବୋର୍ଡର ବୈଠକରେ ନିଷ୍ପତ୍ତି ହୋଇଛି । ସେପ୍ଟେମ୍ବର ୧୯ରୁ ଆରମ୍ଭ ହେବ ଏବଂ ଅକ୍ଟୋବର ୧୫ତାରିଖରେ ଫାଇନାଲ ମ୍ୟାଚ୍ ଖେଳାଯିବ ବୋଲି ରିପୋର୍ଟ ପ୍ରକାଶ ପାଇଛି । ଆଇପିଏଲ ସିଜିନ୍-୧୪ର ବଳକା ଥିବା ୨୫ଟି ମ୍ୟାଚ୍ ଖେଳାଯିବ । ତେବେ ବଳକା ମ୍ୟାଚରେ ବିଦେଶୀ ଖେଳାଳି ସାମିଲ ହେବେ କି ନାହିଁ ତାହା ବର୍ତ୍ତମାନ ବଡ଼ ଚର୍ଚ୍ଚାର ବିଷୟ ପାଲଟିଛି । ଭାରତୀୟ କ୍ରିକେଟ୍ ବୋର୍ଡ ଅନ୍ୟ ଦେଶର କ୍ରିକେଟ୍ ବୋର୍ଡ ସହିତ ଆଲୋଚନା ହେଉଛି । ଆଶା ଯେ, ସବୁକିଛି ଠିକ୍ ହେବ ବୋଲି ବିସିସିଆଇ ଅଧିକାରୀ କହିଛନ୍ତି ।
